Sare herritarrak prentsaurrekoa eman du gaur goizean Gasteizko tren geltokian.
Prentsaurreko honetan, Sarek, Euskal Herria guztian zein mundu guztian zehar zabaltzea helburu duen manifestu iraunkorra aurkeztu du. Giza eskubideen defentsan aritu nahi duen ororentzat dago prestatuta manifestu hau, euskal preso, iheslari eta deportatuen eskubideen errespetua oinarri hartuz.
Ainhoa Azkaratek eta Joseba Azkarragak azaldu dutenez, urtarrilaren 9an argi geratu zen milaka herritarrek beste pauso bat eman nahi dutela konponbidera eta bakera begira, eta hala erakutsi zuten Bilbo eta Baionako kaleak betez. “Hartu trena” dinamikaren baitan, eremu ezberdinak trenera igotzeko gonbitea luzatu dute biek ala biek, eremuz eremu ere ikusaraziko dena. “Auzo elkarteek presoen giza eskubideen urraketak azaltzen dituzten informazio puntuak antolatu ditzakete auzoan, ikasleek hitzaldi informatiboak azaltzen dituzten bitartean” azaldu dute Azkaratek eta Azkarragak.
Baina trenak, azaldu dutenez, azkenengo geldialdi bat izango du, euskal jendartea konponbidera eramango duena. Bukatzeko, azaldu dutenez, gaurtik irailera bitartean milaka herritar bildu nahi ditugu manifestu honen inguruan, bizikidetzari ateak irekiz eta sufrimenduari parez pare itxiz.
Giza eskubideen alde egotetik giza eskubideengatik lan egitera pasatzeko prest gaude, eta horretara goaz.
> Pretsan bildutakoak
> NAIZ
Eskubideen aldeko trenari bagoi gehiago batzeko manifestua aurkeztu du Sarek.
Irailera bitartean giza eskubideen, konponbidearen eta bakearen aldeko manifestuaren aldeko atxikimenduak bilduko dituen manifestua aurkeztu du Sarek.
> BERRIA
Preso, iheslari eta deportatuen giza eskubideen defentsa, geltokiz geltoki
#HartuTrena lelopean, manifestu iraunkorra osatu du Sarek, giza eskubideen alde egoteaz gain, horien defentsa aktiboa egingo duten eragileen bila.
> EITB
Inork ez du PPk bezain gaizki egingo kartzela politikan, Sareren ustez.
Adierazpen bat aurkeztu du, eta datozen hilabeteetan “herriz herri eta auzoz auzo” banatuko du, presoen eskubideen defentsan herritarren babesa bilatzeko.
> eldiario.es
Red de apoyo a presos de ETA cree que ningún Gobierno será peor que el PP.
La red ciudadana Sare que reclama el fin de la dispersión de los presos de ETA considera que cualquier otro Gobierno que se constituya no podrá hacerlo “peor” que el del PP en relación a la política penitenciaria que se aplica a estos reclusos.
> Argia
Giza Eskubideen defentsa aktiboa lortzeko #HartuTrena manifestua aurkeztu du Sarek.
Giza eskubideen, konponbidearen eta bakearen aldeko manifestu iraunkorra (pdf) aurkeztu du Sarek, Gasteizen egindako agerraldian. Sektore ugaritako atxikimenduak lortu nahi dituzte iraila bitarte.