Bagoaz eta Sarek elkarrekin eskatuko dugu, urtarrilaren 9an Bilbon eta Baionan, euskal preso, exiliatu eta deportatuen oinarrizko eskubideen defentsa.  

Preso, iheslari eta deportatuen giza eskubideen zaintzaren inguruan dihardugun Sare-k eta Bagoaz-ek bat egin dugu, elkarrekin, urtarrilaren 9an, Bilbon eta Baionan, presoen sakabanaketaren zein aplikatzen zaizkien beste salbuespeneko neurrien indargabetzea eskatzeko. Biak ala biak, indartsu ari gara lanean giza eskubideen, gatazkaren konponbideen eta bakearen alde, eta horretarako pentsaera, ideologi eta arlo ezberdinetako hainbat lagun elkartu ditugu geure baitan. Orain, biek batera, elkarrekin burutuko dugu presoen etxeratzearen aldeko mobilizazioa.

Donostian Aieteko jauregian, Bakearen eta Giza Eskubidearen Etxean, jakinarazi dugu prentsaren aurrean ondorengo hilabeteotan elkarrekin lan egingo dugula, gatazkaren konponbide eta bakearen alde, gizartean gero eta zabalduago dagoen aldarrikapen eta konpromiso horren aldeko urratsak emateko. Sareren eta Bagoaz-en iritziz, ETAk su-etena iragarri zuenetik, gatazka gainditu eta konponbidean aurrera egiteko aukera ona izan da. “Tamalez, Madril eta Pariseko gobernuek Aieteko adierazpenari eman dioten erantzuna ez da euskal gizarteak, oro har, espero zuena izan”.

Prentsaurrekoan orain arte euskal gizartean giza eskubideen, konponbidearen eta bakearen alde eman diren hainbat urrats aipatu ditugu, besteak beste, Foro Soziala, “Zuzen Bidean” Jaurlaritzaren proposamena, euskal preso eta exiliatu politikoen ekarpenak, Baionako (2014) eta Pariseko (2015) adierazpenak, eta, aldi berean, Christiane Taubira, Justiziako frantziar ministrak presoak Akitaniako kartzeletara hurbiltzeko aukerari buruz esandakoak nabarmendu dituzte.

Bagoaz eta Sareko ordezkariok adierazi dugu egoeran aldaketa espero dugula, hau da, itxaropen giroa nagusitu dadila orain arteko liskar, istilu, gorroto eta mendekuaren aurrean… soilik bide horretatik gaindituko baita espainiar eta frantziar gobernuen etengabeko blokeoa, eta lortuko dugu preso nahiz iheslariak etxeratzea.

Geure egin dugu Sarek eta Bagoazek euskal jendartean giza eskubideekiko den begirunea eta urtarrilaren 9an Baiona eta Bilbon burutuko diren mobilizazioetan kartzeletako politiketan aldaketak eskatuko ditugu, ez beste munduko ezer, egun indarrean diren legedi eta arauak, salbuespenik gabe aplikatzea, soilik; horrek asko erraztuko bailuke konponbidea eta bakea. Konkretuki, zera aldarrikatuko dugu, euskal presoen sakabanaketarekin amaitzeko, larriki gaixo dauden presoak askatzeko, betirako kartzelara kondenatzen dituen salbuespenezko legedia indargabetzeko eta Europako legediaren aurkako norabidean legearen urratze edo interpretazio okerrak uzteko. “Horren adibide argi eta garbia da, beste estatu batzuetan jada betetako zigorrak, hemen kontuan ez hartzea”.

Prentsaren aurrean argi adierazi dugunez, urtarrilaren 9an Bilbon eta Baionan arratsaldeko 17:00etan deitutako mobilizazioetan hainbat herritarrek bat egitea espero dugu, “izan ere, asko gara, ideologia politiko bat ala bestea izanda ere, preso daudenen giza eskubideen alde gaudenak”.

[otw_shortcode_button href=»http://sare.eus/wp-content/uploads/2015/10/manifestua-u9.pdf» size=»medium» bgcolor=»#ff4b44″ icon_type=»general foundicon-page» icon_position=»left» shape=»square» text_color=»#fff» target=»_blank»]Akordioa jeitsi[/otw_shortcode_button]

Prentsan bildutakoa

Berria

Euskal presoen aldeko mobilizazioak antolatu dituzte Bilbon eta Baionan urtarrilaren 9rako.

Sare eta Bagoaz elkarteek egin dute bi manifestazioetarako deialdia. Sakabanaketa amaitzeko, gaixo larriak askatzeko, baldintzapeko askatasuna aplikatzeko eta «salbuespen legea» gainditzeko eskatuko dute, 17:00etan, Bilbon eta Baionan. Bi elkarteek «batasun estrategikorako ahalegina» izenpetu dute preso eta iheslarien eskubideen alde egiteko.

+ Jarraitu

Kazeta

Euskal presoen aldeko manifestazioak antolatuko dituzte urtarrilaren 9an Baionan eta Bilbon.

Bagoaz eta Sare mugimenduek euskal presoen aldeko manifestazioak antolatuko dituzte urtarrilaren 9an Baionan eta Bilbon. Bi mobilizazioak ordu berdinean eta helburu berdinen alde prestatuko dira: dispertsioaren bukaera, gaixorik diren presoen askatasuna eta baldintzapeko askatasunen aplikazioa.

+ Jarraitu

Diario Vasco

Sare y Bagoaz firman un acuerdo para dar pasos juntos.

Los colectivos han organizado dos manifestaciones, una en Bilbao y otra en Baiona, el 9 de enero en busca del fin de la dispersión de los presos vascos y la libertad de los presos gravemente enfermos.

+ Jarraitu

Naiz

Sare y Bagoaz reclamarán el 9 de enero en Bilbo y Baiona el respeto a los derechos de los presos.

Ambos colectivos han convocado dos manifestaciones para reclamar el fin de la dispersión en las cárceles españolas y francesas, así como la desaparición de otras medidas excepcionales que se les aplican.

+ Jarraitu

Ahotsa.info

Euskal presoen aldeko mobilizazioak antolatu dituzte Bilbon eta Baionan urtarrilaren 9rako.

Sare eta Bagoaz elkarteek egin dute bi manifestazioetarako deialdia. Sakabanaketa amaitzeko, gaixo larriak askatzeko, baldintzapeko askatasuna aplikatzeko eta «salbuespen legea» gainditzeko eskatuko dute, 17:00etan, Bilbon eta Baionan. Bi elkarteek «batasun estrategikorako ahalegina» izenpetu dute preso eta iheslarien eskubideen alde egiteko.

+ Jarraitu

Etb

Sare eta Bagoaz bat eginda aterako dira kalera urtarrilaren 9an.

«Presoen oinarrizko eskubideen errespetua» aldarrikatuko dute; besteak beste, gaixorik dauden presoak libre geratzea.

+ Jarraitu

Topatu.info

Urtarrilaren 9an euskal presoen eskubideen aldeko mobilizatzera deitu dute, Baionan eta Bilbon.

Euskal preso, iheslari eta deportatuen giza eskubideen zaintzaren inguruan diharduten Sare eta Bagoaz elkarteek elkarrekin egingo dute kolektibo horien oinarrizko eskubideen defentsa. Baionan eta Bilbon deitu dute mobilizatzera, 17:00etan. Presoen sakabanaketa zein aplikatzen zaizkien beste salbuespeneko neurriak indargabetzea eskatuko dute.

+ Jarraitu

Sarek deituta milaka herritarrek Kursaal eta Sagues arteko bidea egin dute gaur arratsaldean, indarrean dagoen espetxetako legedia bete, kartzelan gaixo dauden presoak askatu, eta euren giza eskubideak errespeta daitezela eskatzeko.

Bakearen usoaren aurrean egin den ekitaldian, Sareko kidek kartzeletan zenbait presok bizi duten egoera dramatikoa salatu dute, “Kartzeletako legeak larriki eri direnak askatzeko agintzen du. Hala ere, ez dute araudia betetzen euskal presoen kasuan. Eta jokabide anker horren ondorioz, hiltzeko arriskuan jarri dituzte. Bizitza osorako kartzelarik ez dute onartzen legeetan, baina bai errealitatean; euskal presoei ezartzen zaizkien salbuespen egoera eta baldintzen ondorioz, kartzela zigorra bizi osorako zigor edota heriotza zigor bilakatzen da preso batzuentzat”.

Herritarren Sareak ez du zalantzarik giza eskubideak ezabatu dituela espetxe politika latz horrek. “Munduaren begien aurrean ipini behar dugu errealitate hau. Gaixo dauden euskal presoei espreski ukatzen zaie legeak berak ahalbidetzen duen kaleratzea, erabaki politikoa eskubideen gainetik jarri dute, alegia”.

Sareren iritziz, herritarren mobilizazioa behar beharrezkoa da egoera irauli eta konponbidea emateko: “sare handi bat ehundu behar dugu giza eskubideen urraketa eta gehiegikeria horiek guztiak indargabetzeko. Argi dugu, giza eskubideak konponbidearen oinarrizko zutabe direla, eta biak, eskubideak eta konponbidea, benetako bakearen osagai nagusiak. Bakea lortzeko bidean, guztiok elkarrekin, lehenengo, gaixo dauden presoak berehala kaleratzea lortu behar dugu, egunero pairatzen dituzten arau urraketa, istorio beltz eta latz horiei, amaiera ona eta zoriontsua emateko”.

Giza eskubideen errespetua da bake iraunkorraren eta elkarbizitza oparoaren osagai nagusiena.

Herritar ugari eta askotarikoak etorri gara, gaur, hona, horixe aldarrikatzera. Herri-sare sendoa osatuko dugu guztion artean, preso daudenen eskubideak zaindu daitezen; gaixo daudenak aska ditzaten, eta, etxe ondora, hona ekar ditzagun espetxeratu, errefuxiatu, deportatu eta erbesteratuak.

Zineman errealitate gordinak erretratatzen dira, egia da. Eta, film bezainbat istorio ezagutzeko aukera izan dugu egunotan Donostian. Testuinguru honetan, fikziotik errealitatera jauzi bat eman nahi dugu, eta euskal presoek bizi duten egoera latzaz gogoratu.

Gaixorik egotea beti da dramatikoa; are gehiago, larriki, itxaropen handirik gabe, gaixo baldin bazaude. Egoera muturrera heltzen da, larriki eri eta kartzelan baldin bazaude…

Kartzeletako politikaren arduradunek zer egiten dute honen aurrean? Muturreko egoeran denari lagundu? Ez.

Kartzeletako legeak larriki eri direnak askatzeko agintzen du. Hala ere, ez dute araudia betetzen. Eta jokabide anker horren ondorioz, hiltzeko arriskuan jarri dituzte. Bizitza osorako kartzelarik ez dute onartzen legeetan, baina bai errealitatean; euskal presoei ezartzen zaizkien salbuespen egoera eta baldintzen ondorioz.

Si, compañeros y compañeras, la aplicación excepcional de las leyes a los presos vascos convierten las penas de cárcel de algunos en cadena perpetua o pena de muerte. Las autoridades penitenciarias vulneran reiteradamente el derecho de excarcelación del enfermo para ser atendido fuera de la prisión en el caso de los presos y presas vascas.

Ez dugu bizitza osorako kartzela aldirik onartuko, ezta kartzelan gaixo larririk ere, are gutxiago, heriotzarik. Ikusi dugu Madrileko agintariek ez dutela jokabidea aldatzeko borondaterik, eta, beraz, bidegabekeria horien aurrean, egoera iraultzeko ezinbestekoa da herritarron mobilizazioa eta gehiengoaren aldarrikapena.

Eskerrik asko, beraz, hemen elkartu zaretenoi. Sare handi bat osatuko dugu gehiegikeria horiek guztiak indargabetzeko. Giza eskubideen urraketa eta neurrigabekeria horiek guztiak mundu osoari ezagutaraziko dizkiogu, behingoz atzean gera daitezen.

Madril eta Pariseko arduradun politikoek presoen sakabanaketa baliatzen dute, presoak eurak eta haien senideak zigortzeko. Nahiz eta sendatu ezinik gaixo egon, askatzen ez dituzten presoak oso baldintza latzetan daude:

• Senideen eta konfiantzako pertsonen babesik gabe, bakardadean sufritzen dituzte gaixotasunak.

• Oinarrizko osasun eskubideak ukatzen zaizkie, oro har: ez dute medikuen arreta jasotzen, diagnosi eta azterketak hilabeteak luzatzen dira. Eta, bien bitartean, gaixotasunak aurrera, gehienetan okerrera, egiten du.

El incumplimiento de la legislación sobre la liberación de los presos enfermos pone en peligro su vida. Prevalece la decisión política de las autoridades por encima de la ley , los derechos y la adecuada atención sanitaria. Tenemos que dar a conocer al mundo entero esta realidad.

Irudiaren garaian bizi gara, zinea hizkuntza unibertsala da, eta gaur salatzen dugun pelikula mundu osora zabalduko dugu, oinarrizko giza eskubideen urraketa eten dadin.

Aldaketa eta konponbidea bultzatu ditzagun denok! Izan ere, argi dugu, giza eskubideak konponbidearen oinarrizko zutabe direla, eta biak, eskubideak eta konponbidea, benetako bakearen osagai nagusiak.

Bakea lortzeko bidean, guztiok elkarrekin, lehenengo, gaixo dauden presoak berehala kaleratzea lortu behar dugu, egunero pairatzen dituzten istorio beltz eta latz horiei, amaiera ona eta zoriontsua emateko.

Denok zabaldu behar dugu mezu hau, norberaren konpromisoa, mugimendu zabal bilakatzeko, erabaki politiko desegoki horiek hartzen dituztenak, zentzugabekeriaz ohartu eta jokabide bihozgabe horri amaiera emateko.