Berriak
Aitzol mendira! ekimena Orereta-Errenterian
AItzol mendira mendi martxa antolatu zuen Sare Orereta-Errenteriak
Pasa den igandean Orereta-Errenteriako Panierreko zubian goizeko 8etan elkartu ginen.
Handik kotxeetan Bexabi jatetxeruntz habiatu ginen eta bertan Oiartzundik etorritako beste talde batekin elkartu ostean mendian gora hasi ginen. Ordu batez izerditan mendian gora aritu ondoren talde osoa gailurrera iritsi zen. Ohikoak eta merezitako hamaiketako eta ur tragoa edanda pankarta eta Aitzol Etxera aldarrikatzen zuten banderolak atera eta argazki batzuk atera genituen. Adarra inguruan dauden zenbait monumentu megalitiko bixitatu ostean berriz ere beherako bidea hartu genuen.
Sareren aurkezpena Iruñean
Azaroaren 27an, arratsaldeko 18:00etan Condestable jauregian.
Hizlariak: Teresa Toda eta Joseba Azkarraga.
Aurkezlea: Carlos Aitor Yuste.
Nafarroako Parlamentuko gehiengoak bat egin du dispertsioaren aurka
Euskal presoen giza eskubideak eta baldintza duinak ziurtatu daitezela eskatu dugu, gaur, Nafarroako Parlamentuko Bizikidetasunaren eta Nazioarteko Elkartasunaren Batzordean egin dugun agerraldian.
Sareren izenean, Joseba Azkarraga, Euskal Gobernuko Justizia sailburu ohiak, Pepe Moulia kartzeletako funtzionario ohiak eta Marilo Gorostiaga preso gaixo ohiak beharrezkotzat jo dute frantziar eta espainiar agintariek euskal presoei aplikatzen dizkieten salbuespen neurriak indargabetzea. Sareren iritziz, espetxetako politikak ez du betetzen bertako legedia ez Europakoa, ezta bermatzen gaixotasun sendaezinak dituzten presoen zaintza egokia. Gainera presoen senideei sufrimendua eta trabak eragiten dizkie. EH Bildu, Geroa Bai, Ahal Dugu eta Izquierda-Ezkerra taldetako kideek bat egin dute Sarek azaldutakoarekin.
Behin eta berriro aldarrikatu dugu behar beharrezkoa dela beraz, dispertsioa eta salbuespenezko neurriekin bukatzea, horrek jendartearen bizikidetza indartuko bailuke, eta baita gatazkaren konponbidea erraztu ere.
Duela 26 urte abian jarri zen euskal presoen dispertsio politikaren eta bere ondorioen berri ere eman dugu agerraldian datu ezberdinak eskeiniz.
Gure iritziz, presoen urruntze sistematikoa betetzen ari diren kartzela aldiari gehitzen zaion legez kanpoko zigorra da, are larriagoa presoen senideei eta lagunei eragiten dielako. Marilo Gorostiagak espetxean gaixotasunari aurre egiteko bere esperientzia azaldu du eta egun gaixotasun larriak dituzten 11 presoen egoera salatu eta beraien askatasuna aldarrikatu du, hauen giza eskubideak egunero urratuak baitira.
Azkarragak, Mouliáak eta Gorostiagak nabarmendu dutenez giza eskubideak daude jokoan.
Nafarroako Parlamentuko EH Bildu, Geroa Bai, Ahal Dugu eta Izquierda-Ezkerra taldetako ordezkariek bat egin dute adierazi dugun iritziarekin, euskal presoak jaioterritik urruntzearen politika salatu dute.
@ainhoaaznarEZ ‘la dispersión fue una decisión política, la resolución deberá ser también política’
UPN ‘creemos que la dispersión ha sido eficaz’
@BakartxoR ‘jendartearen presioak mugituko ditu harriak’ ‘presoek ere giza eskubideak dituzte’
@geroabai «Rara vez se piensa en los colectivos en exclusión social.No hay excusa q valga para no respetar los Derechos de presos»
@EzkerraN ‘nuestra postura es contraria a la dispersión; la política de alejamiento vulnera los derechos de los presos y de sus familiares’
Premiazkoa da gaixotasuna duten presoak etxera ekartzea
Itziar Mujika Garitano | 2015/11/17 |
Lau urte pasa dira 2011ko urrian ETAk bere aldetik su etena iragarri zuenetik. Lau urte motz geratzen dira batzuetan, luze egiten dira besteetan. Motz batzuei, luze besteei.
Euskal Herrian ordutik hainbat pauso eman dira konponbidearen eta bakearen alde. Elkarbizitza hobetu da. Baina ez da sufrimendua amaitu. Espainiar eta frantziar Gobernuek ez dute jokabiderik aldatu eta aldatzekotan okerrera, beti ere, euskal presoen zigorra luzatzeko eta baldintzak gogortzeko. Kartzeletako egoerak erantzun urgentea eskatzen du. Gaixotasun larriak dituzten presoak sufritzen ari dira egoera latzena. Heriotza zigorrik ez da espainiar legedian baina, aldaketarik ezean, ostera berri txarrak jasoko ditugu kartzeletatik.
Gatazken konponbideek oro har bere denbora behar dute, ez dira epe motzeko prozesuak. Ikuspegi horretatik, aurreko mendeetatik datorren afera politikoa dela jakinik, lau urte ez dira asko. Gerora epe laburtzat hartuko dute, ukaezina da hori. Hala ere, luze egiten ari zaigu. Lau urte hauetan euskal jendarteak gehiago espero zuen, presoen senide eta lagunok baldintzak arintzea espero genuen. Presoek eta iheslariek ere, agintariek nahita bultzatzen ari diren zentzugabekeria sufritzen duten pertsonek, horien beste jarrera bat espero zuten. Luze egin zaigu tarte hau. Izan ere, denbora erlatiboa da.
Egoera larria da, urgentea, baina, denok elkartuta, presoak etxera ekarriko ditugu. Salaketa horretan herritar guztiok parte hartu behar dugu. Zabaldu dezagun aldarrikapena jendarte osora.
Orain, premiazkoenari heldu behar diogu. Gaixotasun larriak dituztenak ez dute beste egun bakar bat gehiago kartzelan egon behar. Lehenbailehen ekarri behar ditugu tratamendu egokia jaso dezaten. Horrekin batera presoen sakabanaketa zentzugabekeria handia da, ez dauka oinarri juridikorik, bere helburua euskal presoen baldintzak gogortzea da eta senideei ere eragiten die. Europako Giza Eskubideen epaitegiak emandako ebazpenek argi adierazten dute ez dela zilegi. Euskal presoek duten kartzela zigorra zakartzeko espainiar gobernuaren erabaki politikoa da.
Gaur egungo egoeran, oraindik onartezinagoa da mendekuan oinarritutako erabaki hori. Baina egungo agintariek, ez dute aldatzeko borondaterik, mugitzeko zaila den harri handi bat da, eta abenduak 20ko hauteskundeetan Gobernu aldaketarik ez bada egoerak berdinean segituko dugu.
Premiazkoa eta urgentea da kartzela politikaren aldaketa. Eta horretarako euskal jendarteak serio heldu behar dio gaiari. Arnasa eman behar diegu kartzela politikaren baldintza gogor horiek jasaten dituzten presoei eta senideei. Lehenengoa eta premiazkoena gaixotasun larriak dituzten presoak askatzea da, eta gainontzekoak hurbiltzea. Urtarrilaren 9an egingo diren manifestazioetan, Bilbon eta Baionan, elkartuko ditugu horren alde dauden guztiak. Euskal jendarte osoa, oro har. Kartzeletako giza eskubideen urraketez jabetu eta gogaituta gauden denok joango gara Bilbora eta Baionara.
Ezkortasun, etsipen, tristura eta egonezin horiei guztiei aurre egiteko proposamena da Sare eta Bagoazena. Madril eta Pariseko harritzarra dugu mugitzeko. Ez etsi eta aldaketa etorriko da. Lagunak behar ditugu tiratzeko eta mugitzeko. Berdin da zein kolore, indar eta tamainakoak. Ondo ari gara. Hemen inork ez du babesten horrelako kartzela politikarik, aldarrikapena asko hedatu da. Aldaketa badator.
Mugituko ditugu.
“hay sentencias que más corresponden a panfletos políticos que a una argumentación plenamente jurídica”
Esta mañana en Kalegorrian hemos querido analizar la última sentecia de la AN española que ha rechazado el recurso presentado por una veintena de presos vascos contra la decisión del Juzgado Central de Vigilancai Penitenciaria de mantenerles dispersados en cárceles del Estado español.
[otw_shortcode_button href="http://info7.naiz.eus/en/info_i7/20151109/sentencias-de-la-an-espanola-sque-parecen-mas-panfletos-politicos-que-argumentos-juridicos" size="medium" bgcolor="#ff4b44" icon_type="general foundicon-mic" icon_position="left" shape="square" text_color="#fff" target="_blank"]Elkarrizketa entzun[/otw_shortcode_button]
Egilea: Info7 Irratia
Urtarrilaren 9ko manifestazioekin bat egin dute legelariek
Preso daudenen giza eskubideak errespetatzeko eskatu dute
Zuzenbidearen alorreko zenbait pertsonek bat egin dute Bilbon eta Baionan urtarrilaren 9an Sarek eta Bagoazek deituta euskal presoen giza eskubideen alde burutuko diren manifestazioekin, euren ustez, egun Gobernu eta Epaitegiek aldiro-aldiro urratzen baitituzte oinarrizko eskubide horiek. Jokabide horiek legez kanpokoak direla baieztatzeko argudio juridikoak eman dituzte Begoña Atxak eta Juan Mari Vidartek guztien izenean; bereziki zigorra etxetik gertu dagoen kartzelan betetzeko eskubideari, eta Europar Batasuneko bi Estatutan betetako zigorra aintzat hartzeko erabakiari dagozkien arrazoiak azpimarratu dituzte.
Pentsaera eta izaera ezberdineko legelariak izan arren denek bat egin dute eta nabarmendu, Madrilgo eta Parisko neurri horiek arintzen saiatzen ari direla Europako erakundeak eta baita, Estrasburgoko Giza Eskubideen epaitegia ere. “Hala ere, espainiar eta frantziar agintari politiko eta judizialek epaitegi goren horren ebazpenak saihesten dituzte euskal presoei dagozkien kasuetan”.
Juristen ustez kartzeletako politikak ez ditu bertako arauak ez Europakoak betetzen. Presoak etxetik ehunka kilometrotara urruntzea eta sakabanatzea, giza eskubideen aurkakoa da, Europako Giza Eskubideen Epaitegiaren zenbait ebazpenen arabera. Horixe erabaki zuten hurrenez hurren, Errusia eta Ukrainako Khodorkovskiy eta Lebedev kasuetan. Hain juxtu, Giza Eskubideen Europako Hitzarmenean, 1978ko Espainiako Konstituzioan eta maila baxuagoko beste araudi batzuetan aitortzen den intimitate eta famili bizitza edukitzeko eskubidea urratzen du dispertsioak. Kezka adierazi dute juristek Entzutegi Nazionalak presoei etxetik gertu dagoen kartzela batera eramateko eskaera atzera bota dielako, “batetik Europako giza eskubideen arloko jurisprudentziaz erakutsi duten ezjakintasunarengatik; bestetik, epaia ez delako egokitzen euskal jendartearen egungo egoera sozial eta politikoari”.
Aldi berean, publikoki salatu dute beste herrialde batzutan betetako kartzela zigorren kontaketa zehazten duen Europako Erabaki markoari buruz espainiar epaitegiek duten jarrera; “Kezkatzeko modukoa da, erabaki hori beteko balute, preso batzuk jadanik etxean edo askatzear liratekeelako. Entzutegi Nazionaleko 11 epailek 9ren aurka erabaki zuten Europako Justizia epaitegiari ez galdetzea, zuzentarau horren aplikazio murriztailea Europako irizpideen aurkakoa den ala ez”. Abando Hotelean prentsaurrekoa eman duten juristen iritziz, ”jasotako zigorra erabat beteta duen pertsonak libre izateko duen eskubidea zapuzten ari da Audientzia Nazionala. Gainera, gizatasun aldetik neurri oso gogorra dela deritzogu, kontuan izanik preso horiek kartzelan 20 urte baino gehiago daramatzatela eta 40-60 urte artekoak direla”.
Salbuespen neurriak indargabetzeko eskatu dute legelariek, “legedia nahita presoen eskubideen aurka behartzeari eta makurtzeari uzteko. Izan ere, gure ustez, egungo legediari dagokion kartzela politika soila bera aurrerapausoa litzateke, jendarteak sarri aldarrikatu eta hainbeste desiratzen duen bake eskenatokira iristeko bidean lagungarri”.
- Begoña Atxa
- Juan Maria Bidarte
- Felix Cañada
- Amaia Izko
- Iñigo Santxo
- Juan Daniel Barandiaran
- Nazario Oleaga
- Iñaki Lasagabaster
- Arantxa Itsasmendi
- Begoña Crespo
- Mikel de la Fuente
- Iñigo Urrutia
Bidean aurkitzen ditugun harriak baztertu behar ditugu
Euskal jendarteak sufrimenduari ateak itxi nahi dizkio, desiratzen dago bake eskenatokia noiz iritsiko; aipagarria da 2011n Aieteko adierazpena ezagutarazi zenetik hainbat ekimen burutu direla konponbidearen alde pausuak emateko. Bake gogo horri Madril eta Parisek emandako erantzuna, ordea, ez doa norabide beretik. Preso eta exiliatuen eskubide urraketak ugaritu dituzte, azken finean bakearen aurka darabilte kartzeletako politika eta epaitegietako jarduna.
Eta bakearen bidean jartzen zaizkigun harri horiei, igande goizaldean Bizkaibusen zortzi ibilgailuren aurka egindako erasoa gehitu zaio. Sarekideok uste dugu, zalantzarik gabe, espetxetan darabilten legez kanpoko jokabide mendekati eta ankerrari, jendarteak erantzun behar diola gogor, horrek dauka indarra. Izan ere, herritarrak, oro har, ez gaude prest, legea aplikatuz kalean izan beharko luketen presoak poliki poliki kartzelan hiltzen uzteko. Bestelako erantzunak soilik Gobernuen jarrerari egiten die mesede.
Azken egunotan argi esan dugu ez dugula espainiar epaitegietatik ezer onik espero, Barne sailaren estrategiaren menpe daudela epaileak, oro har. Gobernuaren irizpideei eusten dietela beti, jakinik onartzen dituzten ebazpenak, indarrean den legediaren edota arlo honetako Europar epaitegien ebazpenen aurkakoak direla. Beraz, soilik sare zabal bat ehunduta, gizartea aktibatuta eta agintarien aurrean jarrera sendo eta konprometitua erakutsita lortuko dugu bidean jartzen dizkiguten traba oro gainditu eta konponbidera heltzea. Soilik horrela lortuko dugu gaixotasun larriak dituzten presoak askatzea, sakabanaketa iraganeko kontua izatea ez orainekoa… Azken finean preso, iheslari eta deportatuei aplikatzen zaizkien salbuespen neurri eta arauak indargabetu nahi baditugu herritarren konpromiso eta erantzun zabala behar beharrezkoa izango dugu.
Autobusen aurkako erasoa salatzeko egin zaizkigun eskaeren aurrean adierazi nahi dugu, Sarek ez duela horrelakorik onartuko. Eta are gutxiago, presoen eskubideek egunero jasaten dituzten eraso eta urraketen aurrean jarrera horren epela duten horiengandik badator. Hobe lukete, begirada presoen eskubideak defenditzen ari garenongandik kendu eta benetan eskatuko baliote Gobernuari uzteko hainbat sufrimendu eragiteari.
Sarek betikoari eusten dio, eta gonbidapena luzatzen die herritarrei, giza eskubideen, konponbidearen eta bakearen alde osatzen ari garen sarea ehuntzen segi dezaten. Sare horri esker baztertuko ditugu bidean jartzen dizkiguten harri guztiak eta traba guztien gainetik aurrera egingo dugu. Merezi du, merezi dugu.
Sare Ibarrak bertso afari arrakastatsua antolatu zuen
Amets Arzallusek eta Igor Elortzak saio biribila egin zuten Ibarran, atzo gauean. Afaldarrak barrez lehertzen jarri zituzten, izan ere, umorea izan zen bertso saioaren ardatza. Gaiek horretan lagundu egin zuten, eta bertsolarien eta afaldarren artean giro berezia sortu zen. Lapurtarra eta bizkaitarra gustura egon ziren bertsotan, eta hori nabarmena izan zen, entzuleekin batera eurak ere barreari ezin eutsiz ibili baitziren hainbat alditan. Gozatzeko moduko saio borobila. Eta antolatzaile batek esan zuen bezala, saioa bera bakarrik 15 euro ordaintzeko modukoa izan da. Bikaina.
Sarek antolatutako bertso-afarian Gari Ibarluzea iheslari politiko ibartarrak ere parte hartu zuen, Londrestik gaia jarriz.
Bestalde, Ibarrako Sarek herri batzarra antolatu du azaroaren 3an, asteartean. 19:30ean Kultur Etxera azaltzeko deia egin dute. Eguberriak gainean direnez, egun horien inguruko ekimenez hitz egiteko izango da batzar irekia.
Kronikaren egilea eta argazkia: Tolosaldeako Ataria
Sareren I. Batzar Orokorra burutu dugu
Ehun sarekide baino gehiago elkartu gara, gaur goizean, Miramonen Sareren I. Batzar Orokorrean, Sarearen ardatz eta ildo nagusiak finkatzeko zein ondorengo hilabeteetako plangintza adosteko. Argi adierazi dute berriro parte hartu dutenek Giza Eskubideen, Konponbidearen eta Bakearen aldeko Sare-ren konpromisoa.
Gainera, hasieratik sarekideek defenditu dute urgentzia handiko lehentasuna dela pertsona guztien giza eskubideen errespetua, horrek ekarriko baitu herri honek hainbeste desio duen bake eszenatokia.
Batzarraren ondoren Teresa Toda eta Joseba Azkarraga bozeramaileek salatu dute Espainiako epaitegiek berriro bizkarra eman dietela euskal gizartearen eskaerei eta Europako Giza Eskubideen Epaitegiaren irizpideei. “Entzutegi Nazionalak atzera bota ditu Euskal Herriko kartzeletara hurbiltzeko eskatuz zenbait presok egindako helegiteak. Berriro ere, euskal gizartea, oro har eskatzen ari denari kontra egin diote Espainiar Gobernu eta epaitegiek”.
Entzutegi Nazionak berak aitortu du Barne ministerioari dagokiola presoak Euskal Herrira ekartzeko erabakia. “Beraz aspalditik esan duguna, baieztatu du horrek, hau da, Barne ministerioaren agindu politikoa dela Europako epaitegien irizpideak ez jarraitzeko erabakia, ez juridikoa”.
Teresa Todak nabarmendu du presoen sakabanaketa legez kanpokoa dela Europako legediaren baitan. “Espainiar epaileek jakin badakite hori, baina prozesua luzatzen ari dira eta ez dituzte Europako irizpideak betetzen. Jarrera ez da berria, salbuespenak eta jasotako zigorra gogortzen duten neurri eta betebeharrak ezarri dizkiete presoei”.
“Sarri erabili du Espainiako Barne ministerioak Entzutegi Nazionala konponbidearen aurka, behin eta berriro jarri dizkiote harritzarrak euskal gizartearen bake nahiari, baina denok batera tiratzen badugu mugituko dira, eta berandu baino lehen iritsiko da hainbeste espero dugun konponbidea” esan du Teresa Todak.
“3,2,1… Herritarren Sarearen helburu, lan ildo eta ardatzak laburbiltzen dituen Iritsi da ordua” dokumentua aztertu dute elkartu direnek. Honekin batera ondorengo hilabeteetarako lan plangintza ere jorratu dute batzarrean, batetik urtarrilaren 9ko manifestazioari begira, eta baita egun horretatik aurrera abian jarriko den dinamikari ere.
Kutxa espazioko Eureka eraikinean burutu den Batzarrean ageriko ondorioa izan da, egoeraren egungo blokeoa herritarren aktibazioaren bidez gaindituko dela, hau da, Madril eta Parisen jarrera itxiaren aurrean, behar beharrezkoa dela behin eta berriro aldarrikatzea; herritarren artean gai horien inguruan dagoen adostasuna konpromiso bilakatzea, eta, guztiak ahalegintzea.
Bide horretan hurrengo pausua izango da, urtarrilaren 9 arratsalderako Bilbon eta Baionan Bagoaz eta Sarek elkarrekin burutuko dugun manifestazioa. Sarekideok bileraren amaieran deialdia luzatu diegu herritarrei mobilizazio honetan partehartzeko. Eta konkretuki, hiru aldarrikapen zehatz nabarmendu dituzte: presoen dispertsioarekin amaitzea, gaixotasun larriak dituztenak askatzea eta aplikatzen zaizkien salbuespen neurri eta legeak indargabetzea.
Manifestazioa ondorengo hilabetetako ahaleginaren abiapuntua izango dela nabarmendu dugu batzarrean. Presoen eta iheslarien egoera eta baldintzak hain latzak izanik segituko dugu pentsaera ezberdineko pertsonak guregana elkartzen Gobernuko arduradunek salbuespen neurriak kendu ditzaten lan egiteko, zein lehenengo pausu gisa, behingoz gaixo dauden presoak askatu eta besteak Euskal Herrira ekartzeko.
> Prentsan bildutakoak
Berria
Herritarren aktibazio bila joko du Sarek
Batzarra egin dute Donostian, lan ildo nagusiak zehazteko. Lan egutegia ere finkatu dute, urtarrilaren 9ko mobilizazioa gogoan.
Noticias de Gizpukoa
Sare censura la conexión entre Interior y los jueces.
El colectivo afirma que la Audiencia Nacional “ha vuelto a dar la espalda” al deseo de la mayoría de la sociedad vasca.
Naiz-Gara
Sare subraya la importancia de las citas del 9 de enero al no esperar «nada» de los tribunales españoles.
La red ciudadana Sare ha reiterado que no espera nada de los tribunales españoles, «a la vista de la estrecha colaboración entre el Ministerio del Interior y algunos jueces en contra de la paz», y ha insistido en que la dispersión de presos vascos es «ilegal en el marco de la jurisprudencia europea».