Sare Herritarra Jonan Fernandez, Bakea eta Bizikidetzaren Idazkari Nagusiarekin bildu da espetxe politikaren aldaketen inguruan Gobernu Espainiarrarekin dituen harremanen berri jakiteko, Eusko Jaurlaritzaren bide orriaren berri izateko eta Sarek auzi honen inguruan duen kezka eta aldarrikapenaren berri emateko.

Bileraren ostean, Inaxio Oiartzabal eta Joseba Azkarraga bozeramaileek hitz egindakoaren inguruko balorazioa eta bart ezagutzera eman ziren Gobernu espainiarraren azken mugimenduen inguruan aritu dira prentsaurrean. Oiartzabalek bilera ongi joan dela adierazi du, hainbat iritzi zein lan lerro elkarbanatu dituztela ziurtatuz. Kezka ere adierazi du ordea Sareko bozeramaileak, izan ere, oraindik orain, Gobernu espainiarrak auzi honen aurrean, hitzez gaindik, duen bide orria falta dela eta azken mugimenduek ez diotela ez legeak dioenari, ez giza eskubideen errespetuari, ez eta jendartearen gehiengo batek, maila sozialean zein instituzionalean, eskatzen duenari erantzuten. Zentzu honetan, gogorarazi du, Gasteizko zein Nafarroako parlamentuek, gehiengoz, urruntze politikaren amaieraren alde eta larriki gaixo diren presoen kaleratzearen aldeko adierazpenak onartu dituztela.

Oiartzabalek Sare Herritarra Gobernu espainiarrak iragarritako aldaketa hauek bizkortzeko eta ziurtatzeko lanean jarraituko duela adierazi du eta Eusko Jaurlaritzari euskal presoen benetako gerturatze baten alde ekin dezala eskatu dio, inolako baldintzarik gabekoa eta presoak euren etxeetatik gertuen egotea ahalbidetuko duena. Ideia hau bera transmititu diote Jonan Fernandezi ere bileran zehar. Horrez gain, Kepa Arronategi larriki gaixo den presoa Zuera espetxera mugitzen dutenaren albisteari eutsiz, Sareko bozeramaileak larriki gaixo diren presoak, legez, kaleratuak izateko eta euren etxean behar duten artatzea jasotzeko eskubidea dutela azpimarratu du eta ondorioz, Arronategiren espetxe aldaketak dagozkion eskubideak urratzen jarraitzea dakarrela ziurtatu du.

Amaitzeko, Sare Herritarrak urriaren 20an Donostian zita garrantzitsu bat dugula gogorarazi du. Herritarrak espetxe politika hau behin betikoz aldatu dadin eta bakean eta elkarbizitzan urratsak eman daitezen batzeko zita, hain zuzen ere.

Sare Herritarrak Grande Marlascaren azken adierazpenak kezkagarritzat jo eta salatzen ditu

Sare Herritarrak, Grande Marlasca Barne Ministroak parlamentuko egoitzan eginiko azken deklarazioak direla eta, iritzi publikoari bere kezka adierazi nahi dio, eta baita salatu, oraindik orain espetxe legedia urratua izanik, euskal presoen gerturatzearen inguruan Gobernutik zabaltzen ari diren “nahasmen” mezuak.

Izan ere, bart Marlascak euskal presoek jasaten duten urruntze politikaren amaierak ez du inolako espetxe onura edo mesederekin zer ikusirik esan eta jarraian, presoen gerturatzea, hala nola, hirugarren gradua eskuratzeko aukera damu indibidualarekin eta justiziarekin elkarlanean aritzearekin baldintzatu zuen. Hau, kontraesankorra izateaz gain, eurek ezarritako legediaren aurka jarduten jarraitzearen nahiaren adierazle da. Baita, aurreko gobernuak ezarritako “irabazle eta galtzaile” dinamikarekin jarraitzeko erabakia ere.

Hori hala, Sare Herritarrak ondorengoa adierazi nahi du:

1.- Urruntze politika neurri politiko deitoragarria izan zen, duela 30 urtetatik euskal presoei sistematikoki ezartzen zaiena eta inoz ere inolako lege edo arauri lotua dagoena. Ondorioz, neurri politiko bat izan den heinean, beste neurri politiko baten bitartez desagerrarazi behar da, giza eskubideen urraketa zuzena izaki.

2.- Urruntze politika honen amaiera beraz, eukal preso bakoitzaren ekintza edota klasifikazio orotik at eman behar da, guztiei dagokien eskubidea delako eta legeak hala jasotzen duelako.

3.- Graduen aldaketa ere ezin da inolako mendeku edo xantaiaren ondorio izan, bergizarteratzeko baldintzak sortzeari erantzun behar dio. Zentzu honetan, egun euskal presoen %95ak espetxera sartu zenetik lehen graduan jarraitzen duela salatzen segi behar dugu, baita askatasuna eskuratu duten presoen gehiengoak espetxealdi osoa egoera horretan pasa dutela gogorarazi ere.

4.- Bestetik, Kepa Arronategi larriki gaixo den presoaren gerturatzea egingo dela dioten adierazpenen aurrean, gure poza adierazi nahi dugu, presoari berari zein senideei arnasaldia emango baitie. Berri pozgarria dela eta aurrera urrats bat dela ulertuta ere, ez dugu Sarek orain artean eginiko aldarri eta eskaria alboratzen, izan ere, Sare Herritarrak argi du, larriki gaixo diren presoak etxean behar luketela, legeak hala adierazten duelako eta egoera horretan baino ez dutelako behar duten artatzea baldintza duinetan jasoko. Kepa Arronategi eta gainontzeko preso gaixoak espetxean mantentzen diren egun bakoitzeko euren gaixotasun egoera areagotik, sufrimendua areagotu eta bizia eskuetatik lau horma artean ihes egiten ikustera kondenatuak daude, bi bider kondenatuak beraz.

5.- Erdizkako egoera honetan. Iniziatiba falta dagoen honetan. Adierazpen kontrajarriak jasotzen ditugun honetan inoiz baino beharrezkoagoa dela uste dugu gizarte zibilaren aktibazioa eta mobilizazioa, behin betikoz sufrimendua sortzeari amaitu eta giza eskubideen urraketekin amaitzeko.

Hori dela eta, dei egiten dugu datorren urriaren 20an Bilboko kaleak bete eta herritarren bakerako eta aurrera urratsak emateko nahia adieraztera. Edozein dela ere bakoitzaren ideologia edota atxikipen politikoa, guztion batasun beharra aldarrikatzen dugu giza eskubideen urratze zein sufrimendua sortzen duen egoera honekin amaitzeko.

1.- Bi Preso Basaurira hurbiltzeak, SAREren iritziz, eztabaida nahasi baterako aukera eman du, eta hortik atera behar dugula uste dugu

Nahasmena, espainiar gobernutik datozen ahotsek eta gauzatzeko momentuak, ez dutelako euskal presoen urrunketa politikaren amaiera normaltasun osoz emateko bidea argi zabaltzen ekarri du .

Duela 15 egun, epailea den barne ministroak, publikoki, urrunketaren amaierak, ez zuela kartzela politikaren onurarekin zer ikusirik esan zuen, baizik eta legea batetzea zela. Erabaki honek, duela 29 urte eraiki zuten urrunketa eta dispertsio politikaren amaiera ekarri beharko luke.

Duela 2 egun, preso hauen urbiltzearekin, Gobernu delegaritzatik, urbilketak emateko damua, elkarlana…. beharrezkoa zela esan zuen.

Ezin gara eten gabe legearen aurkako deklarazio kontrajarriekin jardun.

2.- Eusko jaurlaritzak esan duenaren aritik, SAREk urrunketa politikarekin guztiz amaitzeko bidea hasi behar dugula deritzo, eta ez dugu bide honen hasierarik ikusten.

3- Kartzela legedia bete behar da. Ezin dira baldintza berriak jartzen hasi legedia bete ahal izateko. Guk, legearen betearaztea eskatzen dugu. URRUNKETA POLITIKAREN AMAIERA ORAIN

4.- ez dugu ezer esateko, biktimei informatzeko erabakiekin, emango diren pausuak konpartitzeakin, baina ezin dezakete legedi hau ez Ppk ez eta beste eragile batzuek baldintzatu. Horregatik, espainiar gobernu berriak Pp-ren bidetik alde egin behar du.

5.- SAREk argi dauka, euskal jendartearen aktibazioa eta konpromisoa behar beharrezkoa dela, bide baketsu eta demokratiko batzuetatik, gobernu ezberdinei espetxe politikaren aldaketa eskatzeko.

6.- Urriaren 20ean, guztiok, Bilbon BAKEA eta KONPONBIDEAren aldeko aldarria lau haizetara zabaltzeko aukera daukagu. #OrainPresoak

3. etapa Donostian hasi da goizeko 09:30etan Zuloaga plazatik abiatu denean. Lehen zatian Donostia atzean utzi eta Tolosaldea eta Goierriko herriak zeharkatu ditu itzuliak erritmo lasaiean eta eguraldia lagun, giro apartean.

Bidean hainbat matxura txiki izan arren, txirrindulariek bata bestea lagunduz erruberak aldatu, pintxazoak konpondu eta aurrera egin dute Ordiziara heldu artean. Ordizia ere, atzo Orereta-Errenteria moduan, festa giroan harrapatu dute eta Donostian ateratako zein bidean herriz herri batutako pelotoi jendetsua bertan batu da eguerdian Ordiziarrek prestatutako bazkari ederraz gozatzeko. Txalo zaparrada handi batekin agurtu dituzte Ordiziko herritarrak eta Altsasu aldera atera dira. Zegaman geldialditxoa egin eta Oltzarteko portua igotzen hasi dira martxako partaideak, bakoitza bere erritmoan, gainean guztiak elkartu diren arte. Bertan argazkia atera dute eta beherantz Altsasurarte joan dira. 18:30etan heldu dira Altsasura. Herritarren harrera beroaren ostean Inaxio Oiartzabal Sareko kideak herritarrei eta parte hartzaileei eskerrak eman eta Altsasuko herriari herri aktibazioan eredu izan izana txalotu dute, parte hartzailean oholtzara deitu eta guztien artean Altsasuko gazteen abestia abestu diete herritarrei. Etapa amaiera guztietan moduan, suziriarekin agurtu dira eta aisialdirako tartea ireki dute.

Baionan hasi eta Donostian amaitu da Orain Presoak bizikleta itzuliko bigarren etapa eta 60 lagun inguru batu ditu iparraldea eta hegoaldea batu dituen ibilbideak.

Atzoko etaparen ostean, Baionako Barnetegian loaldia eta gosari ederra hartuta, goizeko 09.30ak inguruan irten da Zizpa Gaztetxe paretik Donostia alderantz. Baionako hiria euri eta eguzki artean agurtu ostean, Bidarte, Biarritz, Donibane Lohitzune, Ziburu eta Hendaia atzean utzita Irunen sartu da. Bertan hainbat herritar izan dira zain, batzuk euren babesa eta animoak helarazteko eta besteak bizikleta gainean, itzulira batzeko. Animo berarekin gertatu dira ere hurrengo geldialdiak, Oiartzun eta Orereta-Errenterian. Baionatik etorritako eta bidean batutako guztiei lehen harrera Orereta-Errenterian egin diete bertako herritarrek, festa giroan murgilduta den herriak, txosnagunea eta festa gunea eskaini die bizikletan gerturatu diren guztiei. Bertan herriko bi kidek bertsoa eta irakurketa eskaini dute eta ostean guztiok batera bazkadu dute.

Arratsaldeko txanpa 15:30etan hasi da eta Donostiara 16:00tan iritsi ostean ordubeteko itzulia egin da hiriburuaren barnean, auzoz auzo haur, gazte eta heldu batu direlarik bizkleta gainean. Zuloaga plazara iristean Sara Majarenas Orain Presoak dinamikako kideak irakurketa bertakoekin partekatu eta suziria jaurti du itzuliaren bigarren etapa honi amaiera emanaz. Aisialdiari ekin diote ostean La Jodedera taldearen eskutik lehenbizi eta Andoni Oilokiegirekin ostean. Giro ezin hobea gipuzkoako hiriburuan bihar berriro ere bizikletak hartu eta nafarroara bidea hartu aurretik indarberritzeko.

Mont de Marsan eta Zaballa batuko dituen Orain Presoak dinamikaren baitako bizikleta itzulia hasi da gaur Mont de Marsaneko espetxe parean. 35 lagun inguru abiatu dira lehen etapa honetan, eta Bagoaz zein Sareko ordezkariek martxari hasiera eman ostean erritmo lasaiean joan dira bidean aurrera.

Hasierako hitzartzean, Frantziako gobernuak urruntze politikarekin amaitze bidean emaniko lehen urratsak aipatu dira, gogora ekarriz gizarte zibilaren lanari esker ez balitz egoera hau ezinezkoa litzatekela. Horrez gain, oraindik ere urrats gehiago emateko daudela adierazi dute eta baita, iparraldean aurrera eramandako dinamika hegoaldera ekartzeko beharra azpimarratu ere, euskal presoek bizi duten salbuespen legediarekin amaitzeko bide gisa.

Itzuliaren baitan lehen geldialdia Saint Aubin herrian izan da, bertan mokadu bat hartu ostean autobusean Peyehoradera gerturatu eta bertatik Baionara bitarteko azken txanpari ekin diote. Baionarako azken zatia euripean izan bada ere, martxa umorez eta jarraitzeko gogoz amaitu da, Baionako Barnetegi kanpoan argazkia atera dutelarik iritsi berritan. Ostean, afaldu eta aisirako tartea izango dute Baionako Gaztetxean.

Jose Ramon Lopez de Abetxuko gasteiztarrak askatasuna berreskuratu du zigorra bere osotasunean bete ostean.

Gaur, 31 urte espetxean igaro ostean, Jose Ramon Lopez de Abetxuko gasteiztarrak askatasuna berreskuratu du, zigorra bere osotasunean bete ostean.

Jose Ramonek salbuespeneko espetxe politikaren neurriak bete betean jaso du bere espetxealdian. Izan ere, Jose Ramonek duela urte batzuk jada kalean behar luke, frantzian betetako espetxe zigorra espainiak aintzat hartu izan balu, europar legediak agintzen duen moduan. Horrez gain, Lopez de Abetxukok azken urte luzeak larriki gaixo igaro ditu eta espetxean egotearen ondorioz dagozkion artatze eskubideak urratuak izan ditu. Hau gutxi balitz, bere espetxealdi osoa bere etxetik eta senide zein lagunengandik ehundaka kilometrotara urrundua igaro behar izan du. Salbuespen legediak Jose Ramonen espetxealdia luzatu eta larriki gaixo egoenik egoera bortitzean igaro ditu urte horiek.

Pozez jaso dugu Jose Ramonen askatasunaren berri, baina bizi izan duen giza eskubideen urraketa ezin dezakegu aipatu gabe utzi, izan ere, egun orain indarrean jarraitzen duen espetxe politikak euskal presoen bizi baldintzak muturrera eramaten ditu.