Albisteak
Gasteizko EAJk eta EHBilduk babesa eman diote Abetxukoren askatasuna eskatuko duen manifestazioari
Gasteizko EAJk eta EHBilduk babesa eman diote Abetxukoren askatasuna eskatuko duen manifestazioari
2012ko abenduaren 28an Udal honek Jose Ramon Lopez de Abetxuko preso gasteiztarraren askatasuna eskatzeko mozioa onartu zuen, arrazoi humanitarioengatik, gaixotasun sendaezina baitu.Onartutako mozioak, eskatu zuen, halaber, Lopez de Abetxukok behar bezalako osasun arreta jasotzeko askatasuna gauzatu bitartean, Gasteiztik gertuko espetxe batera eramateko. Arabako jendartearen hainbat esparrutako 200 lagun ezagunek sostengatu zuten mozioa. Berau Arabako Batzar Nagusietan ere aurkeztu eta onartua izan zen.
2014ko uztailaren 18an erakunde bereko osoko batzarrak berriro onartu zuen testu hori, orduko hartan 3.000tik gora sinaduraren sostengua zuela, eta sinadura haien artean osasungintzan lan egiten duten 600 lagunenak zeuden.
Horiek eta askoz ekimen gehiago egin izan dira gure hiri honetan presoen giza eskubideak babesteko, bereziki preso eta gaixorik daudenen eskubideak babesteko. Ekimen horiek guztiek islatzen dutenez, Gasteizen kezka nabarmena dago euskal presoen giza eskubideen urraketa dela eta.
Hala ere, arabako erakundeen eta hainbat ekimenetan parte hartu duten herritarren eskaera horiek gorabehera, preso gasteiztarrek, haien senideek eta beraien inguru sozial eta afektiboak beren eskubideak behin eta berriz urratuta jarraitzen dute. Jose Ramon Lopez de Abetxukoren egoera horren erakusgarri nabaria da.
Jose Ramonek kardiopatia du eta, gainera, Gasteiztik 420 kilometrora dago preso, Villabonako espetxean, Asturiesen. Orain dituen 66 urteetatik, 26 kartzelan egin ditu. Udal honek hura espetxetik ateratzeko eskatu zuen urte berean, Lopez de Abetxukok bere zigorra osorik bete zuen; beraz, orain dela bi urtetik egon beharko zukeen kalean.
Jose Ramonek, espainiar Estatura estraditatua izan aurretik, hiru kartzela urte bete zituen frantses Estatuan. Europako Batzordeak 2008an onartu zuen espetxe zigorren zuzentarauaren arabera, beste estatu batean aurretik betetako zigorrak kontuan izan behar dituzte Europar Batasuneko estatu guztiek. Hala ere, derrigorrez bete beharreko araua den arren, Lopez de Abetxukori uko egin diote haren aplikazioa.
Aipatu dugun neurri honek 197/2006 dotrina famatu eta tristea gogorarazten digu, harengatik zigortu baitzuen Estrasburgoko Giza Eskubideen Auzitegiak espainiar Estatua.
Lopez de Abetxuko kartzelan jarraitzeak ez du inolako sostengurik, edonondik begiratuta ere, mendeku politikaren ikuspuntutik izan ezik. Herritarrok behin eta berriz agertu dugu sufrimenduari ateak itxi eta bakeari zabaltzeko nahia, eta hartarako guztien giza eskubideen defentsa ezinbesteko gaia da.
Horiek horrela, Sarek manifestazio batera deitu du uztailaren 9rako, eguerdiko 12:30etan, Leizaola plazatik abiatuta; Jose Ramonek bere gaixotasunagatik arreta jaso behar lukeen ospitalearen aurrean dagoen plazatik.
Azkenik, Sare herritar honek eskerrak eman nahi dizkie deialdi hau sostengatzen duten eta gaur gure artean, eta 2012an eta 2014an Abetxukoren askatasuna eskatuz udaletxe honetan mozioa aurkeztu zuten udal taldeei. Dei egiten diegu herritarrei Lopez de Abetxukoren eta antzeko egoeran dauden gainerako lagunen giza eskubideen defentsan, Gasteizko hiriguneko kaleetan zehar ibiliko diren mobilizazioan parte hartzera.
> Pretsan bildutakoak
> NAIZ
Sare llama a secundar la marcha por López de Abetxuko y el resto de presos con enfermedades graves.
La red ciudadana Sare ha hecho un llamamiento a los gasteiztarras para que el sábado acudan a la manifestación para reclamar la excarcelación de José Ramón López de Abetxuko y de otros presos que, como él, también padecen graves enfermedades.
> BERRIA
Lopez de Abetxukoren eskubideen urratzea salatuko du Sarek larunbatean, Gasteizen.
Plataforma herritarrak manifestazioa egingo du Santiago ospitalearen paretik hasita; «gaixotasunagatik arreta jaso beharko lukeen» tokitik, hain zuzen. Lopez de Abetxukoren kasua presoen eskubide urraketen «erakusgarri» dela adierazi du Sarek.
> GasteizHoy
Una manifestación reclamará este sábado la libertad de López de Abetxuko.
López de Abetxuko fue detenido en 1986 en Francia y ha cumplido ya 30 años en prisión.
Igeldoko jaietan ere... #HartuTrena FLASMOBA
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
400 lagunek 592km egin dituzte Orereta-Errenterian dispertsioarekin amaitzeko eskatuz
Dispertsioarekoin amaitzeko 592km ekimena burutu dute Orereta-Errenterian
400 lagun bildu ziren pasa den larunbatean Orereta-Errenterian dispertsioarekin amaitzeko eskatuz. 592km ekimena burutu zuten, bertan herrian zehar kilometro bateko ibilbidea prestatu zuten eta korrika, bizikletan eta oinez burutu zuten euskal presoen eskubideen aldeko herritarren aktibazioa bultzatuz.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Mila lagun inguruk dispertsioaren amaiera eskatu zuten Iruñeko kaleetan
Sare Nafarroak deituta, mila lagun inguru bildu ziren Iruñean dispertsioaren amaiera eskatzeko.
Aldaketa. Azken urtean, guztion ahotan dabil hitz hori, guztion idatzietan, guztion irakurgaietan…
Aldaketa, gizarte hobe eta justuago baterantz. Aldaketa, oinarritzat pertsonenganako errespetua
izango duen gizarte baterantz; giza eskubideak urratzerik onartuko ez duen gizarte baterantz;
elkartasunez beteriko gizarte baterantz; elkarbizitzan oinarrituko den gizarte baterantz.
Gaur, geure egin nahi dugu aldaketa hitza. Beharrezkoa zaigu aldatzea, pertsona guztion giza eskubideak errespetatu ahal izateko. Eskubide horietako batzuk, gaur egun, urratu egiten baitzaizkie euskal presoei, haien senide eta ingurukoei. Eta askatasuna kentzeak ez luke ekarri behar pertsona orori dagozkion beste hainbat eskubide ere kentzea. Nafarroi ere badagokigu preso dauden horien giza eskubideak errespetatzea, ehunka kilometrora dauden horienak, gaixo larrienak… Barne Ministerioaren ingeniaritza zorrotzez urratzen baitira haien eskubideak, eta, ondorioz, baita gu guztionak ere. Preso bati dispertsiorik gabe bizitzeko eskubidea urratzen zaionean, senideen eta lagunen bisitak jasotzeko eskubidea kentzen zaio, defentsa on bat izateko eskubidea, ikastekoa, euskaraz komunikatzekoa… Azken batean, etxetik gertu egoteko eskubidea urratzen zaienean, beste urratze asko ere sartzen dira zakura, eta zaku hori ere aldatu nahi dugu.
Dispertsio politikak senideak behartzen ditu astebururo-astebururo milaka kilometro egitera, haien
senideekin 40 minutuz baino ez egoteko.
Adin txikikoak eskolak galtzera behartzen ditu, 8 ordutik gorako bidaiak egitera… Politika kriminal horrek, hain zuzen, ahalbidetu du Karmele Solaguren eta Sara Fernandez nafarrek errepidean bizia galtzea.
Frantziako eta Espainiako kartzela politika sadikoak ez du presoa bakarrik zigortzen; senide eta ingurukoak ere zigortzea bilatzen du, astebururo jartzen baita martxan dispertsioaren erruleta errusiarra, eta zoriaren esku geratzen da gu guztiok etxera onik eta osorik iritsiko ote garen ala ez. Gogoratu: aurten, bost istripu gertatu dira dagoeneko dispertsioaren eraginez, eta horietako bi, bi asteko epean. Istripu horren erantzule Espainiako eta Frantziako Barne Ministerioa eta Justizia Ministerioa dira.
Beste askotan ere errepikatu dugun bezala, dispertsio politika legezkotasunaren eta europar jurisprudentziaren aurkakoa da; hala salatu dugu SARE herri-sareak editatutako “Dispertsioaren liburua”n, bai eta 100 juristak sinatutako dossierrean ere, zeina orain aste batzuk aurkeztu baikenuen Bizkaiako Abokatuen Bazkunean.
Nafarroako gizarte osoari dei egin nahi diogu, amaiera eman diezaion gatazka eta sufrimendua luzatu eta bakeari oztopoak jarri besterik egiten ez duen egoera honi. Eta, zalantzarik gabe, bakea da guk guztiok nahi duguna, bake justu eta iraunkorra.
Orain da unea, sufrimenduari atea itxi eta bakeari leihoak irekitzeko.
> Pretsan bildutakoak
> NAIZ
Sare insta al fin de la dispersión y a derogar leyes de excepción.
La red ciudadana Sare ha instado al próximo Gobierno español que salga de las elecciones del 26 de junio a que termine de «una vez por todas» con la política de dispersión y «derogue todas las leyes de excepción puestas en marcha» por gobiernos anteriores.
> BERRIA
Sakabanaketa «zigor gehigarria» dela gogorarazi dute Iruñean.
Salbuespen neurriek Europako legedia urratzen dutela gogorarazi du Sarek.
> EITB
Sarek dispertsioa amaitu eta salbuespen-legeak derogatzeko eskatu du.
Ehunka lagunek hartu dute parte presoen eskubideak defendatzen duen plataformak Iruñean deitutako manifestazioan.
> Diario de Noticias
Sare insta al fin de la dispersión de presos y a derogar las leyes de excepción.
Pide a la ciudadanía que se suba al tren de los derechos humanos y se convierta en un activo para acabar con su vulneración.
> Euskalerria irratia
Salbuespen legeekin eta dispertsioarekin bukatzera dei egin du Sare herritarrak.
top dispertsioa: giza eskubideak, konponbidea, bakea lelopean mobilizazioa egin zuen atzo Sarek Iruñean, eta sakabanaketa Europako legediaren kontrakoa eta «zigor gehigarria» dela esan du.
> Ahotsa.info
Sakabanaketa «zigor gehigarria» dela gogorarazi dute Iruñean.
Salbuespen neurriek Europako legedia urratzen dutela gogorarazi du Sarek.
Dispertsioarekin amaitzeko, uztailaren 2an 592km ekimena Orereta-Errenterian
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Legedi europearraren arabera 7 dira kalean beharko luketen euskal presoak
2008/675/Jal legedi europearraren arabera, 7 dira kalean beharko luketen euskal presoak.
Aurreko astean, Sare herritarrak, Euskal Herriko Unibertsitateko ikasketa juridikoen Ikasmirak zentroarekin batera, Bizkaiako Abokatuen eskolan euskal presoen eskubideen urraketen inguruko dossier argia aurkeztu genuen. Estatu mailako 100 juristek egindako informea, bi puntu nagusi salatzen zituena: dispertsio politika eta zigorren batuketa.
Estrasburgoko Giza Eskubideen auzitegiak 197/2006 doktrina bertan behera utzi ostean, Espainiako estatuak, martxan jarri zituen ahal bezainbeste trikimailu, euskal presoen etsaiaren eskubidea aplikatuz eskubide internazionala martxan jarri beharrean. 2008/675/Jal legediaren inguruan ari gara, zigorren batuketa aplikatuz.
Egun, guztira 7 dira kondena bete duten herritarrak, baina marko honen erabakiaren ondorioz, espetxean jarraitzen dute. Espetxean eta dispertsatuta.
Hauek dira lege hau ez betetzearen ondorioz egoera honetan dauden euskal herritarrak:
> Josu Arkauz Arana, Arrasate
> Jose Jabier Zabala Elosegi, Hernani
> Iñaki Etxeberria Martin, Iruñea
> Santi Arrozpide Sarasola, Lasarte
> Francisco Mugika Garmendia, Ordizia
> Jose Ramon Lopez de Abetxuko, Gasteiz
> Iñaki Bilbao Beaskoetxea, Lemoa
SARE-k Espainiako Estatua salatzen du; legedi hau ez betetzeagatik eta giza eskubideen beste eremu batzuetan ere urraketak etengabe emateagatik. Besteak beste, larriki gaixo dauden presoak ez askatzeagatik, edo dispertsio politika aplikatzeagatik. Ozen eta argi salatu nahi dugu, instantzia ezberdinetara joz honetarako, Espainiako Estatuak etengabe urratzen dituela euskal presoen giza eskubideak. Presoenak, euren senideenak, eta euren ingurune sozial eta afektiboarenak.
Horretarako, gaurtik aurrera marko lokaleko lan plan bat martxan jarri nahi dugu. Hau, aipatutako zazpi euskal herritarren herrietan eramango da aurrera; modu honetan, neurri honek zer esan nahi duen eta euren bizilagunari azaldu nahi diegu herritarrei, egoera sozializatuz.
Azkenik, euskal jendartea euskal presoen giza eskubideen alde lan egiteko deia luzatu nahi dugu beste behin ere, sare herritar hau ehuntzen. Izan ere, guztion lana ezinbestekoa da konponbidera eta bakera pausoak eman ahal izateko.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
"Guk ibilitakoak, gureak dira" erakusketa ibiltaria Iruñera iritsi da
Ehun lagun inguru Iruñeko tren geltokira hurbildu ziren «Guk ibilitakoak, gureak dira» erakusketa ibiltariari harrera egiteko.
Ondotik, herri sare bat osatuz, tren geltokitik Katakrak espazioraino joan ziren eta bertan erakusketaren aurkezpena eta ekitalditxo bat burutu zuten larriki gaixorik dauden euskal presoen egoera zabalduz.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Kaiola hutsik bait da inoiz baino ederrago
Zigorra beteta eta larriki gaixorik dauden euskal presoen askatasunaren aldeko manifestazioa uztailaren 9an Gasteizen.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Ostiral ezberdin bat izatea lortu zuten Gernika-Lumon
Joan den ostiralean 300 lagunek argi adierazi zuten dispertsio politika amaitu behar dugula.
Ekarriz Banaz lelopean buruturiko manifestazioa eta ondorengo Auditorioko ekitaldiaren bitartez Gernikako sarea hedatzeko konpromezua berretsi eta aktiboki inplikatzeko motibazioa islatu zuten.
Bertan, «Erradiografiak: Gernikako dispertsioaren ispilua» tresna berria aurkeztu zuten; egungo errealitatea ezagutarazteko euskarria. Orain bere zabalpenari helduko diote eta horretarako denon parte hartzea ezinbestekoa izango da.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Abadiñoko udalak Gorka Fraile, larriki gaixorik dagoen euskal presoaren askatasuna eskatzen duen mozioa onartu du
Abadiñoko udalak Gorka Fraile, larriki gaixorik dagoen euskal presoaren askatasuna eskatzen duen mozioa onartu du zuen atzo aho batez.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!