Otsailaren 23an atxikitako dirua itzultzeko aurkeztutako helegitea aztertuko da Auzitegi Nazionalean

Sare, herritarren sare gardena da. Hori dela eta, euskal jendartearen aurrean kontuak azaltzeko betebeharra eta konpromezua du; urtarrilak 14ko manifestazioan zenbat diru bildu dugun, zertara bideratua izango den, eta finean, gaur egun zein egoera ekonomiko den duguna.

Gure alboan, diruaz arduratu ziren pertsonetako batzuk daude gaur hemen.

Ezer baino lehen, urtarrilak 14ko manifestazioan, laguntza ekonomikoan ekarpena egin zuten pertsona guztiei gure esker ona adierazi nahi diegu.

Baina tamalez, aurreko urtean baino diru bilketa txikiagoa izan da. Pertsona gehiagoko manifestazioa eta diru bilketa txikiagokoa. Zehazki, aurten 43.000 euro jaso ditugu, lehengo urtean aldiz 70.000 euro.

Horren arrazoiak hainbat izan daitezke. Batetik, eguraldi txarra, beste ezertaz baino aterkiaz kezkatuago egotea eragin zuelako. Bestetik, bildutako dirua berriro guardia zibilak audientzia nazionalaren aginduz kendua izateko oraindik hainbatek duten beldurra.

Nahiz eta, bildutako dirua aurtengo manifestazioaren antolaketa gastuena baino gehiago izan, egia esan, 2015eko urtarriletik zor garrantzitsu bat dugula geure gain. Guardia zibilak, auzitegi nazionalaren aginduz 104.000 euro kentzean egin zigun kalteagatik. Eta, Sare herritarraren egoera oso prekarioa izaten jarraitzen du. Gainera, aldarrikatzen ditugun helburuen inguruko ekimenak egitea zailtzen digun egoera.

Egun, egoera oso zailean gaude beraz. Baina aurre egiteko animo eta borondatez. Egiten dihardugun lana eta milaka pertsonentzat Sarek ordezkatzen duen erreferenteak, esfortzua merezi duelako ustea baitugu.

Badakigu ere, milaka herritar direla sare honetako parte sentitzen direnak. Ez dutenak utziko logika demokratikotik kanpo eginiko ekinbide judizial eta polizial batek, Sare ahultzea ahalbideratzea.

Horregatik, jaio ginenean publiko egin genituen helburuengatik lanean jarraituko dugu: GIZA ESKUBIDEAK, KONPONBIDEA eta BAKEA.

Ere, ideologien gainetik sare zabala izaten jarraituko dugu, euskal jendartearen babes zabala jaso duen sare zabala.

Baina bai jakinarazi nahi dugula, otsailak 23ko data SARE-ren etorkizunera begira data garrantzitsua izango dela.

Egun horretan, hain injustuki atxikitako dirua itzultzeko aurkeztutako helegitea aztertuko da auzitegi nazionalean.

Gogora ekarri nahi dugu, eskaera honen inguruan erabaki behar duten 3 epaileetatik 2-ren aurka aurkeztu genuen errekusazioa ukatu digutela. Beste behin, Justizia honek dituen neurgailu ezberdinak baieztatzen dira. Epaile hauen PP-rekiko lotura errekusazio oinarri bezala onartzen da alderdi hau inplikatua den gaietan, baina gu garenean kaltetuak ez zaigu onartzen.

Guzti honegatik diogu otsailaren 23a data funtsezkoa izango dela.

Egun horretan, gure dirua eta eskubideak lapurtzeko erabaki politiko judiziala gauzatzen bada, euskal jendartea izan beharko da bere elkartasunarekin, Sare herritarraren etorkizuna erabakitzen duena.

Hori dela eta, euskal jendarteari otsailak 23an gertatu ahal denaz adi egon dadin deitzen diogu. Eta hartzen den erabakiak injustizian sakontzen jarraitzen badu, SARE-ren lana babesten duena euskal jendartea bera izan dadin eskatzen dugu, erantzun jendetsu eta irmo baten bidez.

Pasa den astean Iñaki Etxeberria larriki gaixorik dagoen euskal presoaren egoera aztertu zuten Kasedan.

Bertan, Jaione Karrera, Iñakiren abokatua, Marilo Gorostiaga, larri gaixorik egon zen euskal preso ohia, eta Koldo Zazpe sarekideak parte hartu zuten. 70 lagun inguru bildu ziren eta gaixo larrien egoera aztertu zuten.

Giza eskubideen, konponbidearen eta bakearen alde milaka eta milaka lagun Bilbon elkartu eta egun gutxira, Sare behartuta egon da JUSTIZIA eta GIZATASUNA aldarrikatzeko deialdi hau egitera.

Inolako zalantzarik gabe, Izar erailtzeko saiakera, ekintza kriminal matxista izan da eta bere egileak justiziaren aurrean erantzun beharko du.

Baina gertaera larri honi, Izarren amaren, Sararen, egoera gehitu behar zaio. Sara, espainiar gobernuaren espetxe politikaren, nahiz Justiziaren, adibide argiena da.

Emakume euskaldun preso honengan, urrunketaren zigorra ikus dezakegu. Bere etxetik, bere gertukoengandik, 500 km.etatik gora egotea alegia. Krudelagoa ahal bada, egunotan bizi duen egoerarekin.

Baina ez hori bakarrik. Egoera horri gehitu behar baitzaio baldintzapeko askatasuna eskuratzen uzten ez dion salbuespen legediapean dagoela, nahiz eta, 2/3k eta 3/4k soberan beteak izan, legeak agintzen duen modura. Zehazki, zigorturiko 13 urteetatik 12 beteak baititu dagoenekoz.

Guzti honegatik, mendekuaren amaiera eskatzen dugu.

Eta kasu zehatz honetan, gizatasunagatik bada ere, berehalako askatasuna exijitzen dugu, eta bien bitartean, Martuteneko espetxera ekar dezatela.

Duela 5 urte ETA-k bere ekinbidea utzi zuenetik konpondu gabe dauden egin beharretan aurrera egiten jarraitzearen beharra adierazi digute, Bilboko manifestazioan parte hartu duten milaka eta milaka manifestarik.

Eta Sare Herritarrak, oso kontuan hartzen du eskaera hori. 2017-a blokeoarekin amaitzeko urtea izan dadin, gainontzeko aktore politiko eta sozialekin bultzatzeko konpromezua hartzen dugu.

Sare herritarra, ez da jaio eta ez du lan egiten ere, instituzioak edota alderdiak dituzten eginkizunetan ordezkatzera begira. Baizik eta, begirunez hartzen ditugu hartzen dituzten edo etorkizunean har ditzaketen erabakiak. Baina begirune horretatik bada ere, gure ardura da, eragile politiko eta instituzional horiei, mendekuzko espetxe politikaren amaiera adierazpenetan eskatzearekin bat gatozen harren, uste dugu ETA-ren ekinbidearen amaieratik hainbeste urte pasa ondoren, egoerak, adierazpenetatik parlamentuetara eraman ahalko diren formulazio politiko eta juridiko zehatzak bilatzera igarotzea eskatzen duela.

Gasteiz, Iruña eta Madrileko legebiltzarretan osaturiko gehiengo berriek, bestelako jokabideei aukerak zabaltzen dizkie. Iritzia adierazten duten ekimenetatik, gobernuak derrigorrez bete beharreko konpromisoak adieraziko dituzten ekimenetara. Eta bereziki espainiar gobernuak bete beharrekoak.

Azken aldian, espetxe politika honen aurkako espainiar legebiltzarreko indar politiko ezberdinen ahotsak entzun ahal izan ditugu, eta guzti hauen batuketak, gehiengoa osatu ahal dute. Beraz, iritsi da ordua, espainiar Gobernua, hainbeste sufrimenduri eta euskal presoen eskubide urraketei amaiera ematera behartu ahal izateko moduko konpromezuak hartzekoa.

Hemendik gutxira Sare herritarrak, helburu hau gauzatze bidean eta behar hau adierazteko, gurekin bildu nahiko duten alderdi eta instituzio guztiekin errolda bat abiaraziko dugu.

Jakitun gara, ez dugula inoren ordezkaritza gure gain, ez gara eta alderdi politiko bat. Baina bai uste dugu, euskal jendartearen zati garrantzizko baten babesa dugula, gauzak aldatu gabe ezin direla denbora gehiagoz bere horretan mantendu uste dutenak gainera. Geroz eta gehiago direlako, nahiz eta lehenago inplikatu gabeak izan, auto aktibatzeko eta herri honekin konprometitzeko unea iritsi dela uste dutenak. Urte luzeetako biolentzia ezberdinen ondoren, elkarbizitza bideetatik ibiltzen hastearen beharra dugulako, eta bereziki, gure ondorengoei guk ezagutu duguna baino jendarte hobeagoa utzi ahal izatekoa.

Guzti honegatik, Sare-rentzat urrats zehatzagoak emateko unea hasten da. Zentzu horretan, kokatzen dugu datozen hilabeteetan burutuko dugun Batzar Orokorra. Baina baita ere, indar politikoei konpromiso handiagoak eskatzeko unea ere bada, eta beraiekin bidelagun izatekoa, aurrera egitea suposatzen duen guztian, urrats zehatz eta erabaki argiekin.