Giza eskubideen trena martxan da!

Manifestazioaren balorazio arrakastatsua eginda, argi dugu urtarrilaren 9an ez dela ezer gelditzen, lanean sakontzeko ordua dugu hau; hiribuetan, lategietan, ikastoletan, futbol taldea, auzo elkartean, tabernetan… Dispertsioaren amaitu nahi dugunak askoz gehiago erakustera goaz orain Sarekideok, eta horretarako, trenaren dinamika jarri dugu martxan.

Giza eskubideen tren hau martxan dago, ez du etenik, baina bagoi berriak behar ditu. Horretarako, aipatutako esparru ezberdinetan bagoi berriak sortu behar ditugu: kirol munduko persona ezberdinek kirolarien bagoia osatu dezakete, preso gaixoen etxeratzea eskatuko duten medikuen beste berri bat sortzen duten heinean.

Hilabete luzez aurrera eramango dugun kanpaina honek helburu argi bat dauka, guztion inurrien lanari esker aurrera atera ahalko duguna: herri honetako ahalik eta sektore eta persona gehien mobilizatzea euskal preso, iheslari eta deportatuen eskubideen alde jarduteko.

Herritarren laguntza ekonomikoa behar dugu

Prentsaurreko bateratu eman dugu Sarek eta urtarrilaren 9ko mobilizazioetan kuestazioaz arduratu ziren arduradunek. Aldi berean, Sarek bere finantza arduraduna aurkezteko erabili du agerraldia: Ainhoa Azkarate. Kuestazioaz arduratu zirenen artean Paul Rios Lokarriko koordinatzaile ohia edo Juan Daniel Barandiaran abokatua.

Azaldu dutenez, arduradun hauek bolondresen dirua jaso ostean, banketxean sartu zuten hauek ere: kudeaketa guztia haien esku geratu zen, gardentasuna erakutsiz. Zentzu honetan, aurtego kuestzioan lortutako diru kopuruaren berri ere eman dute: 68.784 €.

Kopuru honekin, Sare herritarreko Azkaratek azaldu duenez, aurreko urtetik pendiente zeuden gastu ezberdinak ordaintzeko erabili da. Izan ere, pasadan urtetik kopuru handia falta zen ordaintzeko. Finantza arduradunak azpimarratu du aurtengo kuestaziotik lortutako dirua pasadan urteko zorrak ordaintzeko balio izan duela; are gehiago, aurtengo  gastu batzuk ordaintzeko ere balio izan du aurreko larunbatean bildutakoak.

Baina ez da nahikoa, eta euren zerbitzuak eskaini dituzten zenbait enpresekin zorretan dago oraindik Sare. Hala ere, nahiz eta garai onak ez izan, ahal dutenei ahal dutena emateko eskatu du Azakaratek, Sarek presoen giza eskubideen defentsaren lanean jarraitu ahal izateko.  Horretarako, kontu korronte zenbaki bat publiko egin du Sarek, bakoitzak ahal duen ekarpena egin ahal izateko eta diru kontuari dagokionez lehenbailehen garbi egoteko.

Ekarpenak egiteko kontu korronte zenbakia:

LABORAL KUTXA ES47 3035 0012 71 0120113310

Eskerrik asko!

Zuek, kazetariak, baita entzuleak zein ikusleak ere lekuko izan zineten Bilbon eta Baionan bildu zen jende andanaz. Milaka eta milaka lagun, kaleak leporaino, guztion begi aurrean iltzaturik gelditu direnak. Nahikoa da duen dimentsioa baloratzeko.

Sare herritarrak azkenengo prentsaurrekoa burutu du larunbateko egun garrantzitsuaren aurretik.

La Bolsa eraikinean emandako prentsaurreko honetan, 9ko manifestazioaren zehaztasun teknikoak eman dira jakitera, egun guztian zehar kontutan eduki beharko direnak.

Goizetik karpa bat egongo da Areatzan, deklarazioak egiteko, argazkiak ateratzeko edota materiala erosi ahal izateko. Gainera, bertatik abiatuko dira Bilboko kaleak alaituko dituzten batukadak, txistulariak edo trikitilariak.

Manifestazioaren amaieran azken irakurketa egingo dutenen izenak ere eman dira jakitera: Xabier Euzkitzek eta Zuriñe Hidalgok irakurriko dute Bilboko Udaletxeko ekitaldian. Eta Teresa Toda eta Joseba Azkarraga bozeramaileek adierazi dutenez, kirolariak eta musika taldeak ere haiekin egongo dira.

Horretaz gain, pankarta eramango duten protagonisten izenak ere jakitera eman ditugu. Besteak beste, bertan joango dira, Fermin Muguruza, Alaia Martin, Rosa Rodero, Juan Mari Olano edo Gemma Zabaleta. Pankarta honen leloa “Giza esubideen, konponbidearen eta bakearen alde. Euskal Presoak Euskal Herrira” izango da.

Bukatzeko, kuestazioaren datuak ere jakitera eman ditugu, argi azalduz, bildutako dirua manifestazioak eragiten dituen gastuak kubritzeko erabiliko dela, eta Sareren “S” letra duten petoak edota poltsak eramango dituztela hauek. Kuestazio honetaz arduratuko diren bost izen esanguratsu eman dira jakitera: Paul Rios, Juan Mari Bidarte, Nazario Oleaga, Felix Cañada eta JM Barandiaran.

Ez dago aitzakirik, bi egun baino gutxiago geratzen dira.

Larunbatean Bilbora eta Baionara, harriak mugitzera,
Euskal Presoak Euskal Herrira ekartzera!

Behin bat aldiz gehiago,  egun bat gehiago, aste bat gehiago, urte bat eta beste bat eta beste bat… Kartzela politika higuingarri baten ondorioz sufrikarioa areagotzen: milaka kilometro eta bidaia-egun zaintzapeko elkarrizketa labur bat izateko, milaka egun sufrimenduak metatzen senideen osasun egoeraz kezkatuta kartzela barruan eta kanpoan.

Duela  27 urtetik, harri handi eta astun baten zama jasan ezinak suntsitzen ditu euskal preso eta senitartekoen giza eskubideak. EBko estatu bezala bere barne araudia betetzera behartua dagoen Gobernu batek mendekuz ezarritako politikaren ondorio.

Bere burua demokratikotzat duen gizartea, nekez gera daiteke saihetsera begira hain ondorio larriak izan dituen urraketa hauen aurrean. Besteak beste 16 heriotza, han urrutietan dauden kartzeletara egindako itzulerarik gabeko bidaietan.

Gure gizarteak hainbat alditan eta ozen adierazi du, mendekua oinarri duen kartzela politika honen kontra dagoela. Eta era guztietako ekintzen bitartez aldarrikatu dira presoen giza eskubideak: bilera herrikoiak, erakunde-ekintzak, norbanakoen ekimenak, elkartasunezko kontzentrazio eta kale ibilaldiak…   eta guzti hori, pentsaera, ideologia edo bizi-esperientzia  desberdinetako pertsonen ahaleginari  gehitu zaio.

Zeregin horretarako sortu zen SARE: dispertsio politikaren amaiera eta presoen giza eskubideak aldarrikatzeko eta presoen kontrako kartzela politika ankerrari amaiera emateko.

Egoera hau guztia sostengatzen duen harriak, salbuespen egoerako araudia du oinarri,  eta europar lege-gidalerroekin tupust egiten duten heinean, berehala deuseztatu beharrekoa da.

Naiz eta egoera arrunt aldatu den ETAren jardun armatua duela bost urte amaitu zenetik,  nahiz eta euskal presoek ekarpen zuzenak egin gauden egoerara iristeko jendaurreko jarrera argiarekin,   Espainia eta frantziar gobernuak, zurrun jarraitzen dute iraganari so, giza eskubideen bortxaketa eta sufrimenduaren eskenatoki iluna elikatzen, euskal gizarte osoak eskatu eta desiratzen duen bake eta irtenbideari ateak itxiz.
Euskal gizarteak, mugiarazi egin behar du harri zanpatzaile hori. Horregatik, giza eskubideekin konprometituak eta gatazkaren ondorio guztien konponbiderako prozesua gogozko duen  pertsona orok du tokia urtarrilaren 9an Bilbo edo Baionako manifestaziotan. Baina ez egun horretan bakarrik, harria mugitzea, bidetik harriak kentzen joatea asteetako, hilabeteetako, eguneroko zeregina baita.

Sarri askotan konturatzeke luzatu ohi den egoerarekin batera, gaixotasun oso larriak pairatzen dituzten 12 presoren egoera areagotzen doa eta ziega zuloetan jarraitzen dute pertsonaren duintasuna eta osasun arreta egokia izateko duen eskubidea aintzat hartu nahi ez dituen erabaki politikoa dagoelako.

Euskal gizartean dispertsioaren amaieraren aldarrikapenak bizirik jarraitzen du, nahiz eta zenbaitetan intentsitatea jaitsi. Zeregin horretan dihardu SAREk; sugarra txingar bihur ez dadin, gizarte ekintza politikoa sustatzen, herritarren arteko sarea ehunduz. Posible dela sinesten dugu. Eta zenbat eta ahots gehiago eta anitzagoak izan, orduan eta arinago gaindituko ditugu zangotraba guztiak.

Politikaren eguratsak haize aldakorrak iragartzen dituen garai hauetan, A-20ko hauteskundeetan frogatu bezala, Espainiako politikaren lorratzak, berdin euskal lurretan ere,  astindu eta zeresan handia emango duen 2016 urtea aurreikusten da. Horregatik, garrantzi handikoa da euskal presoen giza eskubideen kontrako eraso sistematikoaren amaiera eskatzea, eta eskari horren borondate anitz guztien aldarria ageriko egitea.

Oinarrizko eskubideez ari garelako, beharrezkoa da egunerokoan injustizia eta sufrimendua baino eragiten ez duen harria, aktore eta eskenatoki berrien mahai gainean jartzea. Ikus dezaten, senti dezaten, zenbateko astuntasuna eragiten duen eta bizi dezaten, hemen Euskal Herrian, badagoela sokatik tiraka ari den multzo handi bat, bultzaka ari dena, mobimenduan dagoena harria behin betirako bidetik kentzeko.

Horregatik, hilak 9, larunbatean,  Bilbon edo Baionan egon behar gara.
Ahaleginak egin behar dira harriak mugitzeko. Euskal Presoak Euskal Herrira, irrika bihotzean dugula.

Zatoz. Gehitu zaitez helburu partekatu honetara, nahiz eta zure alboan joango denarekin bat ez etorri, utz itzazu desberdintasunak beste une baterako. 9an jomuga berbera dugu: harriak mugitzen hastea. Harriak mugiaraztea. Giza eskubideak errespeta daitezen lortzea.

Kepa Junkera, Idoia Muruaga, Rosa Rodero, Nazario Oleaga, Tasio Erkizia, Tontxu Campos, Juan Daniel Barandiaran, Edurne Brouard, Gorka Espiau, Begoña Errazti, Andoni Txasko, Iñaki Zarraoa,  Iñaki Lasagabaster, Juanito Oiarzabal, Garbiñe Biurrun eta Kirmen Uribek u9an Bilbo eta Baionara joateko deia egin dute.

Urtarrilaren 9ko mobilizazioei atxikimendua adierazteko, euskal jendarteko dozena bat lagun baino gehiago bildu dira gaur Abando hotelean. Izen handiko pertsonak dira han bildu direnak, eta ideologia politiko oso ezberdinetakoak ere; bertan egon dira, besteak beste, Idoia Muruaga, Kepa Junkera, Rosa Rodero, Begoña Errazti edota Iñaki Lasagabaster. Ideologia ezberdinak baina Giza Eskubideen defensa amankomunean; hori dela eta, harriak mugitzeko deia egin dute bertaratutakoek, dispertsioari amaiera lehenbailehen emateko.

Kepa Junkerak eta Idoia Muruagak egindako irakurketan Giza Eskubideen gorazarrea egin dute, Abandora bertaratutakoen izenean hauek ez urratzeko dei eginez. “Horregatik, argi eta garbi esaten dugu: mendekuan oinarritu eta presoen zein euren senitartekoen eskubideak urratzen dituen espetxe politikaren aurka gaude. GURE IZENEAN ez dugu onartuko” adierazi dute.

Larriki gaixorik dauden presoen egoera salatu ostean, dispertsioa gogor kritikatu dute: “27urte bete dituen dispertsio politika honen ondorioak oso latzak izan dira, eta izaten jarraitzen dute: 16 pertsonek bizitza galdu dute errepidean, istripu larrietan zauritutako senide eta lagunak … Eta ezin ahaztu karga sentimentalak, ekonomikoak, psikologikoak … Eta hau pairatu behar dutenek izen abizenak dituzte: senide edo lagunak dira, besterik ez”.

Agerraldia, Urtarrilaren 9an Bilbo eta Baionara joateko deiarekin bukatu dute, haiek ere bertan egongo direla adierazi eta gero. “Sufrimenduari eta minari ateak ixteko unea da, esperantzari eta bizikidetzari parez pare irekitzeko. Urtarrilaren 9an Bilbon eta Baionan ikusiko dugu elkar”.

Gaur, abenduak 29, Gasteizko Baratza Aretoan, kultura arloko zenbait norbanakok atxikimendua adierazi diote urtarrilaren 9an “Mugi daitezen harriak.

“Euskal Presoak Euskal Herrira” lemapean Bilbon eta Baionan burutuko diren mobilizazioei. Bertan egon dira, besteak beste, Beñat Gaztelumendi bertsolaria edota Rosa Plazaola idazlea.

Mobilizazioetarako bi asteren faltan 100 atxikimendu baino gehiago bildu ditu kultur arloko zerrenda honek (beherago ikusgai). Bertan, musika taldeak, idazleak, bertsolariak, margolariak edota dantzariak aurkitzen dira.

Beñat Gaztelumendi bertsolariak eta Askoa Ramírez de la Peciña dantzariak hartu dute hitza gaurko prentsaurrekoan. Bien ustez, “konponbidean oztopo diren harriekin bukatzeko hauei loturik dauden soketatik tira egin beharra dago, etenik gabe eta denak batera”. Biek ala biek dispertsioa gogor salatzeaz gain, eskubide urraketa beste arlo batzuetan ere ematen dela salatu dute: kondenen bi herenak bete dituztenekin edo gaixo larri dauden presoekin giza eskubideak etengabe urratzen direla nabarmendu dute.

Azkenik, urtarrilaren 9an herritar guztiei eta bereziki kultur arloko artista guztiei Bilbo eta Baiona betetzeko deia eginez eman diote amaiera prentsaurrekoari: “Eta zuri, musikari; zuri, idazle; zuri, margolari; zuri, abeslari; zuri, dantzari… Gurekin batera eta milaka herritarrekin batera Urtarrilaren 9an Bilbon zein Baionan harriak mugitzera gonbidatzen zaitugu”.

Lorentxa Guimon, gaixo larria eta erietxean

Lorentxa Guimon euskal presoak Crohn izeneko gaixotasun larria pairatzen du 1991.urtean diagnostikatu ziotenetik. Hesteetako hanturazko gaixotasuna da hau, tratamendu berezia behar duen gaixotasuna, alegia. Tratamendu berezi hori espetxe barruan ematea oso zaila izateaz gain, baldintzak, argi dago, oso kaskarrak dira. Kaskarrak, bidegabeak, pertsonen giza eskubideen aurkakoak eta mendekuan oinarritutakoak.

Hau guztia agerikoa den arren, are agerikoagoa bilakatzen da Guimon erietxera eraman behar izan dutela enteratu garenean, espetxeko medikuek aginduta. Azaroaren 24an bere baldintzapeko askatasuna onartu zuten arren, fiskaltzak errekurtsoa jarri ostean, espetxean mantendu dute presoa. Urtarrilaren 14an erabakiko dute baldintzapean aske utzi edo ez, baina egoerak bere askatasuna lahenbailehen ematea exijitzen du; ezin du hainbeste itxaron, ezin dugu hainbeste itxaron.

Guimonek, gaixo dauden preso guztiek bezala, kalean egon beharra dauka, lehenbailehen. Izan ere, zenbat eta denbora gehiago eman espetxe barruan, orduan eta zailagoa izango da bere gaixotasuna sendatzea. Zentzu honetan, Bagoazek egin bezala, Sarek ere, eragile eta instituzio guztiei dei berdina egiten die: ez jarri oztopoak bake prozesuari, giza eskubideak errespetatu. Biak ala biak emateko, ezinbestekoa da preso gaixoen askatasuna.

Urtarrilaren 9an, Bilbon eta Baionan, mendekuan oinarrituta dagoen espetxe politikaren aldaketa eskatuko dugu Bilbon zein Baionan. Dispertsioaren amaiera eskatzen dugun heinean, euskal presoen giza eskubideak errespetatuak izan daitezen eskatuko dugu eta eskubideen defensa horretan gaixo dauden preso guztiak kalera ateratzea ezinbestekotzat jotzen du Sarek.