sarenaiz
Apirilaren 29an #HartuTrena kultur ekitaldia egingo da Villabonan
Apirilaren 29an Amasa-Villabonako kiroldegian #HartuTrena kultur jaialdia burutuko du Sare Tolosaldeak hainbat kulturgile ezagunen parte hartzerarekin.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Mila lagun baino gehiagok parte hartu zuten Lau Tontorrak ekimenean
Sare herritarrak oso positiboki baloratzen du apirilaren 3an burutu zen Mendira! Ekimena.
Goizeko 09:30etan, Euskal Herriko lau tontor ezberdinen magalean (Gorbeia, Txindoki, Beriain eta Anboto) ehundaka herritar batu ziren euskal presoei, iheslariei eta deportatuei dagozkien giza eskubideak aldarrikatzeko.
Egindako zenbaketaren arabera, guztira 1000 lagun inguru bildu ginen mendietan, eta 09:30etan asanblada informatiboa egin ostean, 09:45tan igoerei ekin genion. Behin goian, irekurketa bat elkarbanatu eta argazkiak atera genituen.
Mendizaleen bagoia ere martxan dagoela ikusi ahal izan genuen atzo, “Hartu trena!” dinamikaren baitan euskal presoen, iheslarien eta deportatuen eskubideen alde norbanako ezberdinak aktibatuz.
Bestalde, atzoko eguna posible egiteko bolondres gisa aritu ziren 50 pertsonei eskerrak eman nahi dizkiegu, baita aste luzez lanetan egon diren mendizale guztiei.
Guztion artean, eremuz eremu, trenak forma hartzen jarraitzen du, bagoiak gehituz eta gero eta norbanako gehiago eta anitzagoak igoz trenera. Hau guztia, egunez egun irudikatzen jarraituko dugun arren, maiatzaren 14an eta 15ean herri guztietan burutuko dugun inflexio – puntuan are argiago irudikatuko dugu.
> Pretsan bildutakoak
> Berria
Mendi martxak, euskal presoak Euskal Herriratzea eskatzeko.
Sarek deituta Txindokira, Gorbeiara, Anbotora eta Beriairena igo dira hainbat herritar, sakabanaketa amaitzea eskatzeko.
> Naiz
Mendian gora, dispertsioarekin amaitzeko.
Sarek deituta Txindokira, Gorbeiara, Anbotora eta Beriairena mendi martxak antolatu dituzte euskal presoen sakabanaketarekin amaitzea eskatzeko.
> Anboto
Presoen eskubideak aldarrikatu dituzte Anboto mendian.
Dispertsioaren kontrako lau mendi martxa antolatu ditu Sarek, gaur goizean. Bizkaian, hainbat lagun igo dira Anboto mendira presoen eskubideak aldarrikatzeko. Lau tontorrak ekimenaren barruan, Txindokira, Gorbeara eta Beriainera ere igo dira.
> Argia
Presoen sakabanaketarekin amaitzeko mendi martxek lau tontor egin dituzte.
Euskal preso politikoek bizi duten salbuespen egoerarekin amaitzea eskatuz mendi martxak egin dituzte igandean, Sarek deituta. Parte hartzaileek Txindoki, Anboto, Gorbeia edo Beriaineko tontorretara eraman dituzte aldarriak.
Maiatzaren 14 eta 15ean trena herri guztietara iritsiko da!
Maiatzaren 14an eta 15ean “Hartu trena!” dinamikaren baitan kokatzen dugun inflexio puntua burutuko dugu herri guztietan.
2011ko urritik, ETAK bere jarduera armatua bertan behera utzi zuenetik, lau urte baino gehiago igaro dira. Urte horietan, espetxe legedi baten objektu direlarik, euskal presoen, iheslarien eta deportatuen eskubideak urratuak izaten ari dira.
Orduan, zaila izango litzateke imaginatzea hainbeste hilabeteren ostean egoerak berdin jarraituko zuenik; are gehiago, txarrera egin du egoerak. Modu honetan, elkarbizitza lortzeko bidea gero eta zailagoa bilakatu nahi izan dute.
Hau esanda, asko izan dira konponbidearen, giza eskubideen eta bakearen alde egindako mobilizazioak. Orain, “Hartu trena” dinamikaren baitan, SARE herritarak inflexio puntu bat antolatu du maiatzaren 14 eta 15erako.
Herri bakoitzak, auzo bakoitzak, gaur egun euskal preso zein euren senideei urratzen zaizkien giza eskubideen defentsan ekimen ezbedinak antolatuko ditu. Gaur egungo espetxe politikaren bitartez, ehundaka senidek milaka kilometro egiten dituzte astebururo, larriki gaixo dauden presoek espetxean jarraitzen dute, eta salbuespenezko legeak mantentzen direla argi eta garbi ikus daiteke, besteak beste, euskal presoak isolatuz.
Herri bakoitzak bere dinamikak aurrerago iragarriko ditu, baina aurreratu dezakegu ideologia anitzetako pertsonak bilduko diren ekimenak egongo direla, plazak edo tren getokiak bezalako marko lokaletan bat eginez. Pertsona hauek, giza eskubideen defentsan batuko dira; beste behin ere, bakearen eta konponbidearen alde, herritarrak kalera aterako dira.
Bestalde, mila preso eta iheslari ohi inguruk apirilaren 17an Bilbon burutuko den manifetazioari begira gure iritzia azaleratu nahiko genuke.
Urruti kokatzen den 2011ko data horretatik, euskal presoen kolektiboak pausoak eman ditu, salbuespenezko egoera baten amaiera bilatu nahi duten pausoak. Gure herrian hainbeste sufrimendu eragin duen gatazka bati amaiera eman nahi dio kolektibo honek bere pausoekin.
2013ko abenduan, kolektibo honek dokumentu bat argitara eman zuen Durangon. Foro Sozialaren gomendioekin bat eginez, egindako mina aitortu eta espetxe legedia aplikatzeko prest zeuden hauek.
Espainiako Gobernuak mutu egoteaz gain, gorra dirau. Bere politika salbuespenezko legedi bat martxan jartzean zentratu da, eskubideak urratzen dituena, Espainiako legediaren oinarriekin talka egiten duena. Gainera, nazioarteko legediekin talka egiten du, nahiz eta hauek betetzera derrigortuta egon.
Orain dela egun batzuk, martxoaren 13an, Gipuzkoan kokatuta dagoen Usurbil herria ehundaka preso ohiek emandako pauso berri baten lekukoa izan zen. Aurrera egiten jarraitzeko beharra azpimarratu zuten, beste behin ere.
Eta ez zuten legeak barnebiltzen ez duen zerbait eskatu. Espainiako Gobernuari eskatzen zaiona, salbuespenezkoa legedia bertan behera uztea da, gure herrian existitzen den minari min gehiago gehitzea helburu duena.
Urrunketa eta dispertsio politika honekin bukatu beharra dago, senide zein lagunei eragiten diena zuzen zuzenean: senide eta lagunak ez dira inoiz kondenatuak izan. Gaixo dauden presoen askatasuna ere ezinbestekoa da, eta hala adierazi zuten orain dela aste batzuk Euskal Herriko zenbait alkate esangurtasuk. Salbuespenezko legediarekin lehenbailehen amaitu beharra dago, eta horretrako, edozein herritarren parte hartzea ezinbestekoa izango da. Egoera honekin bukatzeko unea da eta elkarbizitza nagusi izango den herri batera pausoak ematen jarraitu behar dugu; herri honek merezi du eta.
Ezin diogu prozesu honi amaiera eman; ez, honen ondorioak mantentzen badira gutxienez. Eta gure herriko gatazkaren ondorioak dira, besteak beste, bortizkeriaren biktima ezberdinak, errespetua eta babesa zor zaizkienak; baina ezin ahaztu Espainiako eta Frantziako 74 espetxe ezberdinetan 400 bat euskal preso daudela gaur egun. Egoera hau mantentzen den heinean, zoritxarrez, gatazkak bizirik iraungo du, eta gure seme – alabei etorkizun hobea uzteko aukera galtzeko arriskua izango dugu.
Horregatik, SAREtik, eta Euskal Presoen Kolektiboak har ditzakeen erabakiak errespetatuz, pasadan martxoaren 13an Usurbilen iragarri zuten apirilaren 17ko Bilboko manifestaziora atxikitzen gara. Gure izenean, giza eskubideak, euskal presoenak barne, urratuak izan ez daitezela argi eta garbi esan ahal izateko.
SAREk ez du uste modu positiboan emandako pausoak gaur egun bezala jarraitzea denik. SAREk, etorkizun hobe eta justuago baten alde lan egiten jarraituko du.
> Pretsan bildutakoak
> NAIZ
Sarek inflexio puntu bat antolatu du maiatzaren 14 eta 15erako.
‘Hartu trena’ dinamikaren barrenean, Sare herritarrak inflexio puntu bat prestatu du maiatzaren 14 eta 15eko astebururako.
> BERRIA
Mobilizazioak egingo ditu Sarek maiatzaren 14an eta 15ean.
Hartu Trena dinamikaren barruan, herriz herri antolatuko dituzte ekitaldiak, preso eta senideen giza eskubideen alde.
> EITB
Sarek bat egin du apirilaren 17rako Bilbon deitutako martxarekin.
Halaber, ekimenak iragarri ditu maiatzaren 14an eta 15ean Euskal Herriko herri eta auzoetan giza eskubideen alde.
Giza eskubideen trena Durangora iritsi da
Giza eskubideen trena Durangora iritsi da Gorka Fraile, larriki gaixorik dagoen presoaren askatasuna eskatzeko.
Eskubide urraketa larri hau salatzeko helburuarekin ekimen ugari antolatu dituzte datozen egunetarako:
> Apirilak 6, 19:00 Plateruenean
BIDEO PROIEKZIOA
Lekukoaren aurkezpena.
“Dispertsioaren hegiak / Los vértices de la dispersión” dokumentalaren proiekzioa.
> Apirilak 12, 19:00 Pinondo Etxean
MAHAI INGURUA
– Gotzone López de Luzuriaga
– Inma Berriozabal
– Oihana Barrios (psikologa)
– Mikel Urra (medikua)
> Apirilak 23
TREN IBILTARIA
18:30 Plateruenean, Bertsoak eta musika.
19:00 Andra Marin, Mezuaren zabalpena.
19:30 Udaletxean, ESKUBIDE URRAKETEN AMAIERA. Adierazpen instituzionala.
20:00 Andra Marin BERANDU BAINO LEHEN GORKA ETXERA!!! Bukaerarako ekitaldia. Gorkari buruzko proiekzio bat; irakurketa, argazki erraldoia eta jatekoa (pintxoak, txahal errea…ez dugu zer erabaki).
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Nola eragiten die dispertsioak euskal presoen seme-alabei?
Martxoaren 27ko igandean, “Noticias de Navarra” egunkariak dispertsio politikaren ondorioak barnebildu zituen erreportaje batean, zehazki, txikiengan dispertsioak dituen eraginak barnebildu zituen.
Erreportaje honetan, datu ezberdinak argitaratzen dira. Besteak beste, guztira 91 dira dispertsio politika pairatzen duten haur nafarrak; hauetako 22 senide zuzenak dira (aita edo amaren bat espetxean dute) eta beste 69ek senideren bat dute espetxean, nahiz eta euren gurasoak ez izan hauek.
Jakitera eman dituzten zifrak hurrengoak dira:
1.400 kilometro
Batez beste haurrek bisita bat egin ahal izateko bidaiatu behar dituzten kilometroak dira.
58 pertsona daude preso.
Euskal Herriko 392 pertsona preso dauden arren, 58 nafarroakoak dira.
16 pertsonek
bizitza galdu duten errepidean, bisita bat egitera zihoazela edo honetan bueltan zeudela.
Presoen %42 a
euren jaioterritik 800 kilometro baino urrunago daude. Beraz, bisita bat egiteko, 1600 kilometro baino gehiago egin behar dira: 800 joateko eta beste 800 bueltatzeko.
Guztira, 900 bat pertsona
ateratzen direla errrepideetara bisita bat egin ahal izateko kalkulatzen da.
Erreportajearekin amaitzeko, hezkuntza, osasun eta erlazio eskubideak urratuak direla argi eta garbi irakurri daiteke. Besteak beste, adingabeek, eskola egunak galtzen dituzte, klasekideekin harremanak galtzen dituzte edota estresa eta nekea pairatu behar dute, bidaien ondorioz.
Honen inguruan sentsibilizatzeko, apirila amaieran, Etxeratek, psikologoekin, hezitzaileekin eta politika hau pairatzen dutenekin hitzaldi ezberdinak egingo ditu; bertan, txikiengan dispertsioak zer nolako eraginak dituen azalduko dituzte.
Nola eragin die dispertsioak euskal presoen seme-alabei?
Olatz Iglesias, Ekai Prieto eta Peru del Hoyo gazteen lekukotza izan dugu Faktorian. Euskal presoen sakabanatze politikaren errealitatea ezagutarazteko asmoz, Etxerat elkarteak antolatutako “Haurrak eta Dispersioa” hitzaldi sortan hartuko dute parte.
Nothing found.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Dispertsioarekin amaitzeko, igo mendira!
“Gure konpromezua serio eta irmo harturik, mendiko kirolariok bat egiten dugu Sarek abian jarritako giza eskubideen aldeko trenarekin; hori dela eta gure bagoia betetzera goaz!”
Giza eskubideen aldeko trena tontorreraino eramateko, herritarron inplikazioa ezinbestekoa da. Horretarako mendiko botak eta motxila prestatzen hasi eta gurekin batera, Apirilaren 3an egingo dugun Lau Tontorretara ekimenean parte hartzeko gonbitea luzatzen dizuegu.
Ekimen honen oinarria, Hego Euskal Herriko 4 tontor kuttunen aldibereko igoeran datza. Honako mendi hauek izango dira gure aldarrikapenen topaleku, goizeko 9:30 izanik hitzordua:
– Araba aldetik: Gorbeia, Murua herritik abiatuz
– Bizkaia aldetik: Anboto, Urkiolatik abiatuz
– Gipuzkoa adetik: Txindoki, Larraitzetik abiatuz
– Nafarroa aldetik: Beriain, Arbizu herritik abiatuz
Mendira bidean elkar topatuko dugulakoan, animatu eta mezua zabaldu!
#HartuTrena
> Atxikimenduak
> Pretsan bildutakoak
> NAIZ
Sare organiza cuatro salidas montañeras para denunciar la dispersión.
La cita será el domingo 3 de abril en las cimas de Gorbeia, Anboto, Beriain y Txindoki.
> BERRIA
‘Mendira!’, preso eta iheslarien eskubideak aldarrikatzeko.
Apirilaren 3an lau mendi martxa egingo Sarek, mendiko kirolarien eskutik. Juanito Oiartzabal, Alberto Zerain eta Pou Anaiek bat egin dute deialdiarekin.
> Mondraberri
Sarek antolatuta, mendizaleak animatzen dituzte Txindoki igotzera.
Plataforma horretako zenbait kide Estibalizko santutegian bildu dira gaur hainbat elkartetako ordezkariekin.
> Ahotsa.info
“Mendira”, eskubideak gailurreraino eramateko ekimena.
Apirilaren 3an, igandearekin, goizeko 9.30etan Arbizutik abiatuko da Beriain mendia igoko den euskal preso, iheslari eta deportatuen eskubideen aldeko mendi martxa.
Sare Atarrabia martxan!
Nothing found.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Emakumea eta kartzela aztertu zuten Iruñean
40 lagun inguru bildu ziren atzo Iruñeako Condestable jauregian pertsona askorentzako tabua den gaia lantzeko: emakumea eta kartzela. Giro hurbil eta atseginean lehenengo eskuko iritzi eta bizipenak entzun ahal ziren jauregian.
Oihana Etxebarrietak, Euskal Herriko Bilgune Feministako kideak, Urtza Alkorta sarekideak eta preso ohia eta senide den Mila Jimenezek hainbat gai mahaigaineratu zituzten: nola eragiten dion dispertsioak emakumeari, nolako harremanak dituen emakumeak espetxean, nola bizitzen duen amatasuna…
Hitzaldi honen harira, SARE herritarrak Bilgune Feministarekin batera, emakume euskaldun presoak pairatzen duten egoeraren inguruko dosierra prestatu du:
– Datuak.
– Espetxea, emakumeentzako pentsatuak ez dagon eremua.
– Zigor hirukoitza: soziala, pertsonala eta penala.
– Eta laukoitza…
– Emakume “onak” sortzeko fabrika.
– Osasuna.
– Harremanak eta zaintza.
– Gurasotasuna.
Nothing found.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Giza eskubideen trena Oreretako kaleak zeharkatu zituen
50 lagun inguru Orereta-Errenteriako kaleetatik ibili ziren trena mugituz eta kartel eta eskuorriak banatzen. Dultzainero batzuekin, giro honean tabernaz taberna, herriko txoko ezberdinetako herritarrei informazioa zabaltzen aritu ziren bertaratu zirenak.
Nothing found.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Larriki gaixo eta askatasunaz gabetuta daudenei giza eskubideak aplikatzearen alde
Larriki gaixo eta askatasunaz gabetuta daudenei giza eskubideak aplikatzearen alde
Eneko Goia, Joseba Asiron, Gorka Urtaran, Julen Mendoza – Donostiako alkatea, Iruñeko alkatea, Gasteizko alkatea, Orereta-Errenteriako alkatea
Idatzi hau sinatzen dugunok uste sendo bat partekatzen dugu: pertsona ororen giza eskubide guztiak defendatu behar dira. Guztiok ditugu eskubide horiek, bai eta askatasunaz gabetuta daudenek ere.
Gainera, ideologia desberdinekoak garen lau alkateoi ere gure herrietan larriki gaixo dauden edo 70 urte baino gehiago duten presoak izateak batzen gaitu. Hau izanda egoera, eta beren eskubideak errespetatzen ez direnez, dagokigun erantzukizunagatik eta arrazoi humanitarioengatik besterik ez bada ere, gure jarrera adierazi nahi dugu eta eskatu pertsona horiek kartzelatik ateratzeko, bai eta egoera berean dauden gainerako guztiak ere.
Lau arrazoik bultzatzen gaituzte jarrera honetara: lehenengo, pertsonen duintasuna errespetatzea, bai eta askatasunaz gabetuta daudenena ere. Guk nahi dugun gizartean botere publikoek pertsona ororen giza duintasuna errespetatzen dela zaintzen dute, iruditzen zaigulako giza duintasunaren printzipio gorena urratzen duen gizarteak ez duela gizakia bera errespetatzen eta gabezia demokratikoa ikaragarriak dituela. Pertsonaren duintasunaren aurkakoa da gaixotasun larria eta sendaezina duen pertsona bat kartzelan mantentzea tratamendua jasotzeko egokiak ez diren baldintzetan.
Bigarren arrazoia, zigor jasangaitzen aurka adierazten dugun jarrera da, ez zigorra ezartzerakoan soilik, baizik eta baita zigorraren garapenean ere. Gaixotasun larria eta sendaezina duen pertsona bat askatasunez gabetuta edukitzeak suposatzen du giza duintasunaren printzipioa urratzea, eta kasu askotan zigor bikoitza da, askatasunez gabetutako pertsona horren sufrimendua eta, ondorioz, zigorra bera ere, espetxeratutako beste edozein pertsonarena baino askoz ere handiagoa baita.
Hirugarren, egoera hauetan legezkotasuna zorrotz aplikatu behar litzateke eta ez dira hala egiten ari, arlo juridikotik haratago doazen hainbat arrazoirengatik.
Azkenik, gure ustez gaixotasun larria eta sendaezina duen preso bati espetxetik ateratzeko aukera ukatzeak zigorraren birgizarteratzeko printzipioa urratzen du. Estatuko Fiskaltza Nagusiaren 1991ko urteko memoriak adierazten zuen gaixotasun larri eta sendaezina duten presoen kasuan askatasunez gabetzeko zigorrek ez dutela betetzen helburu nagusia, alegia, zigortutakoa birgizarteratzea. Zigortzeko helburua besterik ez du ia agonian dagoen norbait kartzelan mantentzeak, ez du zentzurik birgizarteratzera bideratzea agonizatzeko eta hiltzeko besterik kartzelatik irtengo ez den norbait.
Hartara, bergizarteratze-printzipio honek are garrantzi handiagoa du euskal gizartean bakea eta bizikidetza eraikitzeko saiakera honetan. Inolako zalantzarik gabe, eta ikuspegi politikotik, bakea egonkortzen laguntzen duelako eta premiarik gabeko sufrimendua saihesten duelako, horrek ez baitu gizarte berrirako bidea zaildu besterik egiten. Alabaina, ikuspegi juridikotik ere garrantzitsua da, jada ez baitago arrazoirik Estatuko Administrazioaren ustez herritarren segurtasunerako arriskutsua izan daitezkeenik, eta eskubidea ezin delako errealitate sozial berri horretatik bereizi, eta horren arabera interpretatu behar delako. Hartara, ez dago eragozpen politiko edo legalik kartzelatik ateratzeko gaixotasun larriak eta sendaezinak edo 70 urte baino gehiago dituzten presoak.
Azkenik, adierazi nahi dugu konpromiso irmoa dugula pertsona ororen giza eskubide guztiak defendatzeko eta eraikitzeko gizarteak ikusi nahi duen egoera demokratikoa, bakea eta bizikidetza oinarri dituena.