Albisteak
Zer diote EAEko lehendakarigaiek euskal presoen giza eskubideen inguruan?
Erkidegoan burutzekoak diren hauteskundeetako lehendakarigaien iritzia euskal presoen giza eskubideen inguruan
Maddalen Iriarte
EH Bildu
@maddaleniriarte “gaixo dauden presoak (…) atera behar ditugu”.
Sare presoen eskubideez, urratsak adosteko gogoz pic.twitter.com/6tdeXUHeuG— Sare (@sare_herritarra) 14 de septiembre de 2016
Pili Zabala
Elkarrekin-Podemos
ETB1eko debatean @pili_zabala “Dispertsioaren kontra jo behar dugu”
Sare presoen eskubideez, urratsak adosteko gogoz pic.twitter.com/Nok5oaK77h
— Sare (@sare_herritarra) 14 de septiembre de 2016
Iñigo Urkullu
EAJ-PNV
ETB1eko debatean @iurkullu bake gaian adostu beharraz.
Sare presoen eskubideez, urratsak adosteko gogoz pic.twitter.com/efbRCHiMZy— Sare (@sare_herritarra) 14 de septiembre de 2016
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
#SalatzenDut kanpaina abiatu dugu aktibazio soziala, politikoa eta istituzionala bultzatzeko asmoz
#SalatzenDut kanpaina abiatu dugu aktibazio soziala, politikoa eta istituzionala bultzatzeko asmoz.
2014ko ekainaren 15ean jaio zen SARE, sentsibilitate ideologiko ezberdineko pertsonen sare herritarra ehuntzeko asmoz, eta denon elkarlanean oinarrituz, euskal presoen giza eskubideen defentsan eta gatazkaren behin behineko konponbidea lortzeko helburu tinkoa du.
2 urte hauetan, jatorri ezberdineko pertsonak sentsibilizatzea eta presoen giza eskubideen alorrean erreferentzia izatea lortu dugu. Baina oraindik, egiteko asko dugu.
Hori dela eta, aktibazio-ziklo berri bat irekitzeko ordua dela uste dugu SAREn. Espainia eta Frantziako espetxeetako giza eskubideen urraketarekin amaitzeko ikasturte politiko berria erabakiorra izan dadin, aipaturiko denbora-tarte horretan sareturiko potentziala aktibatzea izango da gure lehentasuna.
Konponbide eta behin behineko bake eskenatokia lortzeko bidean aurrera egin nahi badugu behintzat, eskenatoki hau gainditzea, guztiok aurre egin beharreko lehentasuna izan behar da.
Norbaitek uste badu, denbora pasatzen utziz egoera hau bere kabuz konponduko dela, oker dabil.
Norbaitek uste badu, urraketen eskenatoki hau, paisaia politikoaren parte bezala onartuko dugula, okertzen da ere.
Eta larriena da, pasibitatearekin, urraketen onarpenarekin, ondorio larriak izan ditzakeen arazoaren katramilatzea errazten ariko dela.
Esfortsua eta borondatea, behar baitira horrelako prozesuek aurrera egin ahal izateko.
Horrela ikusi dugu Kolonbian, eta horrela izan beharko da hemen ere.
Iragan ostiralean, ikuskizun zentzugabe baten lekuko izan ginen. Espainiako parlamentuak Kolonbiako gerrilla eta Gobernuaren arteko elkarrizketa prozesua ahobatez txalotu zuen, hemen konpondu gabeko bake-prozesu bat duela ahaztuz.
Guzti honegatik, jardunbide berri bat aurkeztu nahi dugu: SALATZEN DUT.
SALATZEN DUT jardunbideak, gizarte zibila euskal presoen giza eskubideen banderapean artikulatu, aktibatu eta parte hartzaile bihurtzea du helburu.
SALATZEN DUT, euskal preso eta beraien senideen %95ak pairatzen duen dispertsio mendekatia.
SALATZEN DUT, presoen kolektibo honi ezartzen zaion salbuespen-legedia, bizi arteko zigor estalia dena.
SALATZEN DUT, larriki gaixorik dauden presoen egoera; salbuespenik gabe guztiei legea ezartzea eskatzen dugu.
SALATZEN DUT, duela bi urtetik zigorra beteta aske behar luketeen 7 euskal presoen zigorraren kontaketa-eza.
Honela, SALATZEN DUT jardunbideak, garapen propioa behar duten dinamika sektorial edota aldarrikapen ezberdinak, aipaturiko banderapean saretuko ditu.
Baina jardunbide hau salaketa hutsetik haratagokoa izatea nahi dugu. Norbanakoen atxekitze eta aktibazio tresna bihurtzea nahi dugu. Borroka demokratikoaren ikur.
Norbanako bakoitzak bere egin dezala, eta Anoetako, San Mamesko, Mendizorrotzako, Ipuruako, Sadarreko armailetan agertu dadila. Baskoniaren kantxan edota Miribillan edo Donostian.
Musika jaialdietan; lantegietan, Unibertsitateetan, ospitaletan eta kaleetan.
Finean, edozein une eta lekutan, euskal jendarteak luzapen gehoagorik gabe, giza eskubideak, konponbidea eta bakearekiko duen apustuaren erakusle.
ENTZUN eta SENTITUKO GAITUZTE!
Gainera SALATZEN DUT jardunbideak, ehundik gora jurista, abokatu eta EHUko irakasleek eginiko dossier juridikoa bere egingo du.
Hori medio, euskal presoen giza eskubideen urraketaren salaketa Europako instituzioetara emango dugu.
Dispertsioaren eta zigor-kontaketen ukazioarekin amaitze-bidean Europa modu aktiboagoan inplikatzea lortuko dugu.
SALATZEN DUT-en bidez, euskal norbanako bakoitzak dossier hau bere egin ahal izango du eta nahi duen adina instituzioetara bidali.
SALATZEN DUT-ek, manifestazio itxura ere hartuko du urriaren 15ean Donostian, GAIXO LARRIAK ETXERA lelopean.
Ahaztu gabe, urtarrileko zita eta herri ezberdinetan sortzen joango diren askotariko ekimenak.
SALATZEN DUT lerroak, aurpegi askotarikoa izan nahi du, ezaugarri eta formatu ezberdinetako ekimenez hornitua. Denak bat etorri ahalko garenak. Denok geure ezberdintasunetik eroso sentitu ahalko garenak.
Euskal presoen eskubideen errespetua, gutariko bakoitzaren, denon, borroka-bandera bihurtu behar dela uste dugu; gizarte zibiletik, alderdi politiko eta instituzioetaraino.
Sentsibilitate guztiek konpartituriko minimo komuna izan behar du.
Jakitun gara hauteskunde-prozesu baten sartuak garela. Hori dela eta, gure jardunbidearen baitan alderdi bakoitza eta beren lehendakari-hautagaiei dei egingo diegu, SALATZEN DUT bandera bere egin dezaten. Giza eskubideen bandera. Beraien agendetan eta lehentasunetan sar dezaten.
Legegintzaldi-hastapenetik akordioak bilatzera, elkarlanera, konprometitu daitezen.
Giza eskubideen aldeko gehiengo zabal batez osaturiko legebiltzar bat iragarri ahal dugu, baina borondateak batzeko urratsa eman beharra dute, hau ezin delako jendartearen zati baten helburua soilik izan, baizik eta guztiona. Bakea guztiontzat da.
SAREk norabide horretan lan egingo du eta beharrezko diren zubiak eraikiko ditugu, inor ez dadin dinamika honetatik kanpo geratu.
SALATZEN DUT jardunbideak baditu beharrezko osagaiak, euskal presoen eta beraien senideen eskubideen errespetuaren aldeko gehiengo sozial, politiko, sindikal eta instituzionala artikulatzeko, aktibatzeko eta arazo hau agendaren erdigunean ipintzeko, eta ondorioz, ikasturte hau erabakiorra izan dadin lortzeko gatazka gainditze bidean.
Azkenik esan, aurre egin beharreko erronka asko ditugunez, gure oinarriak berrindartzea beharrezko delakoan gaude, gure esfortzuak biderkatu ahal izateko.
SARE oraindik indartsuago izatea da gure asmoa. Eta hori lortzeko, gaurtik, Otsailean burutuko dugun Batzar Orokorra bitarte, pertsona ezberdinei, sare herritarrera gehitu daitezen proposatuko diegu.
Batetik, SARE herri guztietara hel dadin lortzeko.
Eta bestetik, gehitze kualitatibo horiei esker, sentsibilitate ezberdinekin, eta orohar jendartearekin, egin asmo dugun interlokuzioan eraginkorrago izatea lortu asmoz.
> Pretsan bildutakoak
> GARA
Sare busca acuerdos políticos y denuncia social desde ya.
La red ciudadana emplazó ayer a los partidos y a los candidatos a lehendakari a incluir los derechos humanos de los presos y presas vascas en su agenda, «entre sus prioridades».
> BERRIA
‘Salatzen dut’ kanpaina abiatu du Sare plataformak, gizarte zibila euskal presoen eskubideen alde aktibatzeko.
Euskal presoen eskubideen alde herritarrak “artikulatu, parte egin eta aktibatzea” da kanpainaren helburua. Urriaren 15erako manifestaziora deitu dute Donostian.
> EITB
Sarek presoen eskubideak lehenesteko eskatu die hautagaiei.
Kolektiboak eskatu du aldarrikapen hori “lehentasunen agendan” egotea. Gainera, ‘Salatzen dut’ ekimena aurkeztu du.
> Argia
Urriaren 15ean preso gaixoen aldeko manifestaziora deitu du Sarek
Euskal preso politikoei sakabanaketa eta salbuespenezko beste arau batzuk ezartzearen aurkako Salatzen dut kanpaina aurkeztu dute, Sare plataformaren izenean, Arantza Aldezabal eta Joseba Azkarragak. Horrekin batera, larriki gaixo dauden presoen aldeko manifestazioa iragarri dute; urriaren 15ean egingo dute, Donostian, Gaixo larriak etxera leloarekin.
> El Correo
Sare pedirá a los partidos que reivindiquen los derechos de los presos de ETA.
Zigor batuketa aplikatuz 7 euskal preso kalean beharko lukete
Gaur SARE HERRITARRArekin batera, hemen aurkitzen diren lagunak, epaileek ezarri dieten zigorra beteak duten, eta kalean behar luketen: Pako Mujika, Josu Arkauz, Iñaki Bilbao, Jose Jabier Zabaleta, Iñaki Etxeberria, Xanti Arrospide eta Jose Ramon Lopez de Abetxuko presoen senitartekoak dira.
SAREtik denbora daramagu kartzela politika aldatzeaz gain, Estatu espainiarrak bere legea zein Europako legedia betetzeko eskatzen. Lege hauek bete behar dituela uste dugu europako beste estatu guztiek bezela.
Europako marko erabaki bat dago, zeinak beste europako estatuetan aurrez betetzen diren zigorrak kontutan hartu behar direla dioena.
Kasu hauetan, preso hauek Frantziako estatuan zigortuak izan ziren, bertan bete zuten zigorra eta Espainiara estraditatuak izatean, Espainiak ez zuen Frantziakoa kontuan hartu eta Espainian berriro zigorra betetzera derrigortuak izan dira.
Ez ditugu balorazio judizial gehiegirik zabaldu nahi, baina argi utzi nahi dugu; Espainiar gobernua oinarrizko eskubide urraketa bat ematen dagoela, Europak kontrako erabaki marko bat hartu ondoren Espainiak lege bat atera baitzuen ETArekin harremana duten presoei ez aplikatzeko. Hain zuzen, Auzitegi Gorena, erabaki marko hau aplikatzen hasi zenean, Frantzian betetako zigorrak, espainiakoei deskontatzen. HAU GUZTIZ ILEGALA DA!
Kasu honetan, SALA k martxan jarri zuen Europako tribunalei planteamendu bat egiteko prozedimendua, ea nola jardun behar zuen erabaki marko hau aplikatzeko edo ez. Erabaki hau aplikatzen, edo Corte orokorretan ateraatako legeari kasu egin behar zion.
Prosezidemndua martxan jarri behar zuen SALAk eta Audientzia Nazionalak bertan behera utzi zuen bozkaketa baten bitartez, bozkaketan, 19 magistradok hartu zuten parte, 9k Europako tribunalei galdetzearen alde bozkatuz eta 11k kontra.
Ondo begiratuz gero, ez da galdetzen nola aplikatu, baizik eta nola egin behar den ere ez galdetzea esaten da. Argi dago. Ez zaio Europari galdetu nahi, erantzuna argi dagoelako Europako tribunalen aldetik.
Beraz, delitu baten aurrean aurkitzen gara, epaile batzuen aldetik, zeina beraien ardura justizia zabaltzea den eta ez mendekuzko politika bat ezartzea.
Preso hauen abokatuek, beharrezko errekurtsoak aurkeztu dituzte espainian eta baita Europan ere. Arazoa, europan justizia ere motela dela da. Europear tribunalak zerbait esan arte, mendekua aplikatzen jarraituko da eta pertsona hauek, kartzelan jarraituko dute legeak dioenaren kontra.
Egoera honen aurrean, SARE herritarrak, egoera hau salatu nahi du giza eskubideen urraketa honen aurrean, urraketa politiko zein judiziala honen aurrean.
Euskal herriko alderdi politikoei eta instituzioei salaketa hau egin dezaten eskatzen diegu. Ezin da beste alde batera begiratzen jarraitu, bere burua estatu demokratikotzat duenaren aurrean.
SARE herritarrak,,Giza eskubideen Europako tribunalera salaketa hau eramango du, tramiteak azkartzeko eskatuz euren legea bete dadin.
Konbentzituta gaude, Parot doktrinakin gertatu zen bezela, Europak Espainiar Estatua lotsaraziko duela berriro, baita espainiar justiziari ere, baina hau gertatzeko urte batzuk pasa behar dira, eta bitartean euren mendekua jasaten egongo dira preso hauek.
> Pretsan bildutakoak
> NAIZ
Sare llevará a Estrasburgo los casos de siete presos a los que no se les ha aplicado el cómputo de penas.
Sare llevará al Tribunal Europeo de Derechos Humanos los casos de siete presos políticos vascos que cumplieron condena en el Estado francés pero no se les ha computado en el Estado español los años que estuvieron en prisión.
> DIARIO VASCO
Sare denunciará en Estrasburgo el caso de siete presos de ETA
Se trata de reclusos a los que no se les ha aplicado el cómputo de penas. «Esto es algo absolutamente ilegal porque ningún Estado puede modificar la legislación Europea», asegura su portavoz, Joseba Azkarraga.
> EITB
Zazpi presoren egoera salatuko du Sarek irailean Europan.
Pilatutako zigorrak aintzat hartu ez zaizkien presoak dira. “Legez kanpokoa da erabat, Estatu batek ezin duelako Europako legedia moldatu”, azaldu du Azkarragak.
Mila lagun inguru Abetxukoren eta beste larriki gaixorik dauden euskal presoen askatasunaren alde Gasteizen
Marea hori batek Gasteizko kaleak hartu berri ditu; premia larria duen mareak zeharkatu ditu Gasteizko kaleak, gaixo den preso bat ez dadila minutu bat ere espetxeratua egon exigitzen duen marea.
Ideologiak alde batera utzita, horrenbeste sufrimenduri eta giza eskubideen urraketa etengabeari nahikoa dela esan dion marea hori honek.
Espainiar Gobernuak diseinatutako espetxe politika da hau eta espainiar auzitegien zati handi baten kolaborazioari esker, ezinezkoa dena posible izan dadin, mugarik gabeko ingeniaritza juridikoa erabiltzen dute José Ramón López de Abetxuko eta beste sei euskal herritar, euren zigorrak beteta izan arren, askatasuna eskuratu ez dezaten eta horretarako Europako legedia ere ez betetzea erabakitzen dute lotsagabeki, Europar Batasuneko kide izanik bete beharko balute ere.
SAREn argi dugu; ez daukagu geldirik geratzeko asmorik. Gure salaketak kaletan, instituzioetan eta behar den toki denetan entzun daitezen arituko gara atsedenik hartu gabe. Sare herritar gisa jaio ginen unetik, sufrimenduaren ateak ixteko asmoz aritu gara eta itxaropenari eta elkarbizitzari ateak zabaltzeko lanean jarraitzea izango da gure jarduna. Etorkizuna bakean eraiki nahi dugulako.
Jendartearen aktibazioa ezinbestekoa da horrenbeste sufrimenduri amaiera emateko; norbanako bakoitzaren aktibazioa ezinbestekoa da konponbide prozesuan pausoak eman ahal izateko eta guri dagokigu presio sozial hori eragitea. Hargatik, sarea zabaltzen jarraitzera gonbidatzen zaituztegu, giza eskubideak, konponbidea eta bakea helburu dituen sarea osatzen jarrai dezagun.
> Pretsan bildutakoak
> NAIZ
Preso gaixoen askatasuna eskatuz, manifestazio nazionala deitu dute irailaren 24rako.
Larriki gaixo dagoen Jose Ramon Lopez de Abetxuko presoaren askatasuna eskatuz zeharkatu dituzte ehunka lagunek Gasteizko kaleak. Mobilizazioaren amaieran data berri bat proposatu dute larriki gaixo dauden presoen kaleratzea eskatzeko: irailaren 24an Donostian.
> BERRIA
Sarek manifestazio nazional batera deitu du irailaren 24rako
> EITB
Gaixo dauden presoak askatzea eskatu dute ehunka lagunek Gasteizen
Sarek deitutako mobilizazioan gogoan izan dute Lopez de Abetxuko preso gasteiztarra. Bihotzeko arazoak izateaz gain, hainbat gaitz degeneratibo ere baditu.
Orain, kaleak betetzea besterik ez zaigu geratzen
Iragan ekainaren 2an, SARE Gasteizek prentsaurreko bat eskeini zuen hiriaren erdigunean, Leizaola Lehendakariaren omenezko Plazan hain zuzen ere, hain justu Olagibel osasun-etxea eta Santiago Ospitalaren parean. Bi zentro mediko hauetan edo ospitale publikoen euskal sareko beste edozeinetan tratatua beharko luke izan gure auzokidea den eta gaixorik dagoen José Ramón López de Abetxukok. Inoiz ez espetxean. Inoiz ere ez lekutan dagoen kartzela batean. Inoiz ez oraindik preso den honek bere zigorra osorik bete duenean.
Ekainaren 2an aurkeztu genuen eta lantzen hasi ginen aurreko hilabetetan SARE Gasteizen jorratzen ibilitako kanpainia. Denbora honetan zehar argi ikusarazi nahi izan dugu José Ramónen eta bere antzeko egoeratan dauden beste zenbait presoren errealitateari buelta emateko ezinbestekoa dela jendartearen parte hartzea. Argi utzi dugu ezinbestekoak garela presoak etxera itzul daitezen. Justizia eskaera hauen aurrean baina, oso bestelako deskonfidantza eragiten dizkigute Espainiako Auzitegietatik irits daitezken erabakiak, beti ere barne ministerioaren agindu arbitrarioen neurrira ebatsitako erabakiak izanik. Hargatik guztiagatik, jendarteak eragin dezaken presio soziala ezinbestekoa dela diogu berriz ere.
Azken asteotan bilkura anitz egin dugu udal talde eta erakundekin. Haiekin partekatu dugu Abetxukok bizi duen egoera, oraindik ere preso egonik, Gasteizko Udalak, bertan aurkeztutako bi mozioei erantzunez, bere askatasuna birritan eskatu badu ere. Udal-talde guztiekin hitz egin dugu. Bilkura pertsonalak izan ditugu EH Bildu, EAJ-PNV, PSE, Ahal dugu eta Irabazirekin eta telefono bidez, bere agenda betearen gorabeherak medio, Alderdi Popularreko zinegotzi den Leticia Comerónekin. EAJk eta EHBilduk aurkeztu zuten lehendabiziko mozioa 2012. urtean, Arabako jendartearen eremu ezberdineko 200 pertsonek babestutako testua hain zuzen eta bi urte berandugo 3000 gasteiztarren sinaduren babesarekin oraingoan, mozio bera aurkeztu zuten. PSE José Ramón López de Abetxukoren askatasunaren alde azaldu zen eta oraingoan bere taldeko zinegotziak prentsaurreko bateratuan parte hartzeko gonbidapena egiteko konpromisoa hartu bazuen ere, azkenean 4 zinegotzik osatzen duten PSE udal taldeko inor ez zen agertu iragan asteartean egindako ekimenera. Podemosek eta Irabazik berriz, bestelako formulak hautatu dituzte euren atxikimendua adierazteko eta larunbatean izanen den manifestazion parte hartuko dutela baieztatu dute.
Oso kezkagarritzat jotzen dugu azken hauteskundeen ostean udal ordezkariak diren Gasteizko PSEko zinegotzien jarrera. Azken hilabeteotan presoen sakabanaketak umeengan eta adin txikikoengan duen eragina salatzeko Etxeratek aurkeztutako mozio baten aurka bozkatu dute, baina aldi berean, aste honetan bertan, euren idazkari nagusiak sakabanaketarekin amaitzearen alde azaldu eta antzeko moduan ere agertu da Mercedes Gallizo Espainiako Espetxe Erakundeetako Idazkari Nagusi ohiak, egun Madrigo Parlamentuan PSOEko Diputatua denak, hain zuzen. Oso deigarria da Gasteizko Udaleko zinegotzi sozialisten jarrera gai honekiko, besteak beste 2011. urtean Patxi Lopez Lehendakari ohiak egindako adierazpenekin bat egiten ez duelako, garai hartan 8. puntuan jasotzen zen legez, “zigortuen hulbitze mailakatua aztertuko dela” adierazi baitzuen.
Udal taldeekin egin bezala, hainbat gazte erakunderekin ere egon nahi izan dugu eta zenbait kasutan hauteskunde-kanpaina medio hitzordurik zehaztea ezinezkoa izan bada ere, gure kezkak eta deitutako mobilizazioaren berri eman ahal izan diegu EGI, Ernai, Gazte Abertzaleak eta Gasteizko Gazte asanbladako kideei. Haiek guztiek José Ramónen askatasunaren alde agertu dira eta euren atxikimendua agertu dute larunbateko manifestazioari begira.
Aste hauetan zehar ere, José Ramónen egoera partekatu dugu ELA, LAB, CCOO, ESK eta STEILAS sindikatuekin. Azken urteotan sindikatu hauetako ordezkari, delegatu zein afiliatuek giza eskubideen alde egindako lana zabala bezain inportantea izan da. Haiek denek atzo bertan egin zuten prentsaurrekoa larunbateko mobilizazioan parte hartzera deituz.
Azkenik, Euskubide sozialen aldeko plataformarekin, HIESAren aurkako Batzordearekin, Salhaketarekin eta Etxeratekin izan ditugu bilkurak. Hiru elkarte hauek ondo baino hobeto ezagutzen dute espetxe politikak eragiten duen sufrimendua eta hirurek bat egiten dute presoen giza eskubideen aldeko aktibazio sozialaren beharraz hitz egitean.
Azken asteotan gogor egin dugu lan eta egun intensoak izan badira ere, egindako lana erabat aberasgarria eta positibia izan da zalantza gabe. Talde, erakunde eta pertsona anitzeko izandako bilkurek argi daukagun zerbait baieztatu digute berriz ere, Gasteizen gai honekiko dagoen gehiengo baten atxikimendua eta adostasuna hain zuzen.
Orain, Gasteizko kaleak betetzea besterik ez zaigu geratzen. Bihar, larunbata, eguerdiko 12.30etan eta Leizaola Plazatik abiatuta, marea hori batekin ikusiaraziko dugu horrenbeste sufrimendurekin amaitzeko urgentzia eta beharra.
Larriki gaixorik dauden presoek osasunerako duten eskubidearen alde aktibatu beharra dugu, Abetxukoren osasun eskubidearen alde eta beste preso gaixo guztien eskubideen alde
Jendartea; herritarrok ezinbestekoak gara eskubide hau gauzatu dadin.
BIDEOAK
Kaiola hutsik bait da inoiz baino ederrago
Sindikatuek Abetxukoren askatasuna eskatuko duen manifestazioarekin bat egin dute
Sindikatuek Abetxukoren askatasuna eskatuko duen manifestazioarekin bat egin dute
Osasunerako eskubidea eta osasun asistentzia duin bat izateko eskubidea, pertsona guztien oinarrizko eskubidea da. Beraz, pertsona orok, osasun asistentzia egoki baterako sarbidea izan behar du, eta tratu duin, justu eta humanoa jaso beharko du.
Osasunaren Mundu Erakundeak (OME) gogorarazten digun bezala, osasunerako eskubidea ez da bakarrik ulertu behar osasuntsu egoteko eskubide gisa, osasunerako eskubideak pertsona guztiek ahalik eta bizi osasuntsuena egin dezaten estatuek, gobernuek, beharrezkoak diren baldintzak sortu beharko dituztela adierazi nahi du.
Gaixo dauden presoak, pertsonak izateagaitik soilik, beraien osasun eskubidea aitortua eta errespetatua izan behar dute, pertsona horiek tratu duin eta humanoa jasotzeko eta osasun asistentzia egokia izateko eskubidea dute, nahiz eta preso egon. Beraz, eskubide berberak izan behar dituzte gainontzeko pertsona gaixoek duten bezala gaixotasunaren eboluzioaz.
Gaur egun, 10 dira espetxean, sakabanatuta eta larriki gaixorik dauden euskal presoak. Horietatik bat gasteiztarra dugu, Jose Ramon Lopez de Abetxuko, etxetik 420 kilometrotara sakabanatuta; 66 urte ditu eta 26 urtez espetxeratuta larriki gaixorik dago gure bizilaguna.
Jose Ramon, gaixo egoteaz aparte, kardiopatia bat izateaz aparte, 2014tik kalean beharko luke Europako 2008/675 araua ezarriko baliote, europar batasuna osatzen duten estatu guztiek derrigor aplikatu behar duten araua, estatu frantsesean preso eta konfinaturik betetako zigorra kontutan hartu beharko liokete.
Abetxuko, eta larriki gaixorik dauden gainontzeko presoen askatasuna eskatuz ugariak izan dira azkenengo urteetan burutu diren ekimenak. Hospitaletan eta beste osasun zentroetan, edo beste enpresa edota lantokietan, egindako sentzibilizazio lanak eta sinadura bilketak nabarmendu nahi ditugu, beste ekimen batzuen artean.
Urgentea da larriki gaixorik dauden preso guztiak askatasuna berreskuratzea gaixotasunei aurre egin ahal izateko, beraien etxeetatik gertu eta beraien inguru afektibo eta familiarrarekin batera, osasun asistentzia egoki batekin. Ezin dugu gehiago itxaron. Giza eskubideen defentsa, baita preso daudenen giza eskubideena, jendarte osoaren lana izan behar du.
Azkenik, gaur hemen ordezkatuta gauden sindikatuok, Sare-k uztailaren 9rako eguerdiko 12:30ean Leizaola plazatik aterako den marea horira gehitzen gara. Beharrezkoa delako jendearte osoaren inplikazioa bertan parte hartzera gonbidatzen zaituztegu.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Gasteizko EAJk eta EHBilduk babesa eman diote Abetxukoren askatasuna eskatuko duen manifestazioari
Gasteizko EAJk eta EHBilduk babesa eman diote Abetxukoren askatasuna eskatuko duen manifestazioari
2012ko abenduaren 28an Udal honek Jose Ramon Lopez de Abetxuko preso gasteiztarraren askatasuna eskatzeko mozioa onartu zuen, arrazoi humanitarioengatik, gaixotasun sendaezina baitu.Onartutako mozioak, eskatu zuen, halaber, Lopez de Abetxukok behar bezalako osasun arreta jasotzeko askatasuna gauzatu bitartean, Gasteiztik gertuko espetxe batera eramateko. Arabako jendartearen hainbat esparrutako 200 lagun ezagunek sostengatu zuten mozioa. Berau Arabako Batzar Nagusietan ere aurkeztu eta onartua izan zen.
2014ko uztailaren 18an erakunde bereko osoko batzarrak berriro onartu zuen testu hori, orduko hartan 3.000tik gora sinaduraren sostengua zuela, eta sinadura haien artean osasungintzan lan egiten duten 600 lagunenak zeuden.
Horiek eta askoz ekimen gehiago egin izan dira gure hiri honetan presoen giza eskubideak babesteko, bereziki preso eta gaixorik daudenen eskubideak babesteko. Ekimen horiek guztiek islatzen dutenez, Gasteizen kezka nabarmena dago euskal presoen giza eskubideen urraketa dela eta.
Hala ere, arabako erakundeen eta hainbat ekimenetan parte hartu duten herritarren eskaera horiek gorabehera, preso gasteiztarrek, haien senideek eta beraien inguru sozial eta afektiboak beren eskubideak behin eta berriz urratuta jarraitzen dute. Jose Ramon Lopez de Abetxukoren egoera horren erakusgarri nabaria da.
Jose Ramonek kardiopatia du eta, gainera, Gasteiztik 420 kilometrora dago preso, Villabonako espetxean, Asturiesen. Orain dituen 66 urteetatik, 26 kartzelan egin ditu. Udal honek hura espetxetik ateratzeko eskatu zuen urte berean, Lopez de Abetxukok bere zigorra osorik bete zuen; beraz, orain dela bi urtetik egon beharko zukeen kalean.
Jose Ramonek, espainiar Estatura estraditatua izan aurretik, hiru kartzela urte bete zituen frantses Estatuan. Europako Batzordeak 2008an onartu zuen espetxe zigorren zuzentarauaren arabera, beste estatu batean aurretik betetako zigorrak kontuan izan behar dituzte Europar Batasuneko estatu guztiek. Hala ere, derrigorrez bete beharreko araua den arren, Lopez de Abetxukori uko egin diote haren aplikazioa.
Aipatu dugun neurri honek 197/2006 dotrina famatu eta tristea gogorarazten digu, harengatik zigortu baitzuen Estrasburgoko Giza Eskubideen Auzitegiak espainiar Estatua.
Lopez de Abetxuko kartzelan jarraitzeak ez du inolako sostengurik, edonondik begiratuta ere, mendeku politikaren ikuspuntutik izan ezik. Herritarrok behin eta berriz agertu dugu sufrimenduari ateak itxi eta bakeari zabaltzeko nahia, eta hartarako guztien giza eskubideen defentsa ezinbesteko gaia da.
Horiek horrela, Sarek manifestazio batera deitu du uztailaren 9rako, eguerdiko 12:30etan, Leizaola plazatik abiatuta; Jose Ramonek bere gaixotasunagatik arreta jaso behar lukeen ospitalearen aurrean dagoen plazatik.
Azkenik, Sare herritar honek eskerrak eman nahi dizkie deialdi hau sostengatzen duten eta gaur gure artean, eta 2012an eta 2014an Abetxukoren askatasuna eskatuz udaletxe honetan mozioa aurkeztu zuten udal taldeei. Dei egiten diegu herritarrei Lopez de Abetxukoren eta antzeko egoeran dauden gainerako lagunen giza eskubideen defentsan, Gasteizko hiriguneko kaleetan zehar ibiliko diren mobilizazioan parte hartzera.
> Pretsan bildutakoak
> NAIZ
Sare llama a secundar la marcha por López de Abetxuko y el resto de presos con enfermedades graves.
La red ciudadana Sare ha hecho un llamamiento a los gasteiztarras para que el sábado acudan a la manifestación para reclamar la excarcelación de José Ramón López de Abetxuko y de otros presos que, como él, también padecen graves enfermedades.
> BERRIA
Lopez de Abetxukoren eskubideen urratzea salatuko du Sarek larunbatean, Gasteizen.
Plataforma herritarrak manifestazioa egingo du Santiago ospitalearen paretik hasita; “gaixotasunagatik arreta jaso beharko lukeen” tokitik, hain zuzen. Lopez de Abetxukoren kasua presoen eskubide urraketen “erakusgarri” dela adierazi du Sarek.
> GasteizHoy
Una manifestación reclamará este sábado la libertad de López de Abetxuko.
López de Abetxuko fue detenido en 1986 en Francia y ha cumplido ya 30 años en prisión.
Igeldoko jaietan ere... #HartuTrena FLASMOBA
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
400 lagunek 592km egin dituzte Orereta-Errenterian dispertsioarekin amaitzeko eskatuz
Dispertsioarekoin amaitzeko 592km ekimena burutu dute Orereta-Errenterian
400 lagun bildu ziren pasa den larunbatean Orereta-Errenterian dispertsioarekin amaitzeko eskatuz. 592km ekimena burutu zuten, bertan herrian zehar kilometro bateko ibilbidea prestatu zuten eta korrika, bizikletan eta oinez burutu zuten euskal presoen eskubideen aldeko herritarren aktibazioa bultzatuz.
Giza eskubideen defentsan laguntza behar dugu!
Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!
Mila lagun inguruk dispertsioaren amaiera eskatu zuten Iruñeko kaleetan
Sare Nafarroak deituta, mila lagun inguru bildu ziren Iruñean dispertsioaren amaiera eskatzeko.
Aldaketa. Azken urtean, guztion ahotan dabil hitz hori, guztion idatzietan, guztion irakurgaietan…
Aldaketa, gizarte hobe eta justuago baterantz. Aldaketa, oinarritzat pertsonenganako errespetua
izango duen gizarte baterantz; giza eskubideak urratzerik onartuko ez duen gizarte baterantz;
elkartasunez beteriko gizarte baterantz; elkarbizitzan oinarrituko den gizarte baterantz.
Gaur, geure egin nahi dugu aldaketa hitza. Beharrezkoa zaigu aldatzea, pertsona guztion giza eskubideak errespetatu ahal izateko. Eskubide horietako batzuk, gaur egun, urratu egiten baitzaizkie euskal presoei, haien senide eta ingurukoei. Eta askatasuna kentzeak ez luke ekarri behar pertsona orori dagozkion beste hainbat eskubide ere kentzea. Nafarroi ere badagokigu preso dauden horien giza eskubideak errespetatzea, ehunka kilometrora dauden horienak, gaixo larrienak… Barne Ministerioaren ingeniaritza zorrotzez urratzen baitira haien eskubideak, eta, ondorioz, baita gu guztionak ere. Preso bati dispertsiorik gabe bizitzeko eskubidea urratzen zaionean, senideen eta lagunen bisitak jasotzeko eskubidea kentzen zaio, defentsa on bat izateko eskubidea, ikastekoa, euskaraz komunikatzekoa… Azken batean, etxetik gertu egoteko eskubidea urratzen zaienean, beste urratze asko ere sartzen dira zakura, eta zaku hori ere aldatu nahi dugu.
Dispertsio politikak senideak behartzen ditu astebururo-astebururo milaka kilometro egitera, haien
senideekin 40 minutuz baino ez egoteko.
Adin txikikoak eskolak galtzera behartzen ditu, 8 ordutik gorako bidaiak egitera… Politika kriminal horrek, hain zuzen, ahalbidetu du Karmele Solaguren eta Sara Fernandez nafarrek errepidean bizia galtzea.
Frantziako eta Espainiako kartzela politika sadikoak ez du presoa bakarrik zigortzen; senide eta ingurukoak ere zigortzea bilatzen du, astebururo jartzen baita martxan dispertsioaren erruleta errusiarra, eta zoriaren esku geratzen da gu guztiok etxera onik eta osorik iritsiko ote garen ala ez. Gogoratu: aurten, bost istripu gertatu dira dagoeneko dispertsioaren eraginez, eta horietako bi, bi asteko epean. Istripu horren erantzule Espainiako eta Frantziako Barne Ministerioa eta Justizia Ministerioa dira.
Beste askotan ere errepikatu dugun bezala, dispertsio politika legezkotasunaren eta europar jurisprudentziaren aurkakoa da; hala salatu dugu SARE herri-sareak editatutako “Dispertsioaren liburua”n, bai eta 100 juristak sinatutako dossierrean ere, zeina orain aste batzuk aurkeztu baikenuen Bizkaiako Abokatuen Bazkunean.
Nafarroako gizarte osoari dei egin nahi diogu, amaiera eman diezaion gatazka eta sufrimendua luzatu eta bakeari oztopoak jarri besterik egiten ez duen egoera honi. Eta, zalantzarik gabe, bakea da guk guztiok nahi duguna, bake justu eta iraunkorra.
Orain da unea, sufrimenduari atea itxi eta bakeari leihoak irekitzeko.
> Pretsan bildutakoak
> NAIZ
Sare insta al fin de la dispersión y a derogar leyes de excepción.
La red ciudadana Sare ha instado al próximo Gobierno español que salga de las elecciones del 26 de junio a que termine de «una vez por todas» con la política de dispersión y «derogue todas las leyes de excepción puestas en marcha» por gobiernos anteriores.
> BERRIA
Sakabanaketa “zigor gehigarria” dela gogorarazi dute Iruñean.
Salbuespen neurriek Europako legedia urratzen dutela gogorarazi du Sarek.
> EITB
Sarek dispertsioa amaitu eta salbuespen-legeak derogatzeko eskatu du.
Ehunka lagunek hartu dute parte presoen eskubideak defendatzen duen plataformak Iruñean deitutako manifestazioan.
> Diario de Noticias
Sare insta al fin de la dispersión de presos y a derogar las leyes de excepción.
Pide a la ciudadanía que se suba al tren de los derechos humanos y se convierta en un activo para acabar con su vulneración.
> Euskalerria irratia
Salbuespen legeekin eta dispertsioarekin bukatzera dei egin du Sare herritarrak.
top dispertsioa: giza eskubideak, konponbidea, bakea lelopean mobilizazioa egin zuen atzo Sarek Iruñean, eta sakabanaketa Europako legediaren kontrakoa eta “zigor gehigarria” dela esan du.
> Ahotsa.info
Sakabanaketa “zigor gehigarria” dela gogorarazi dute Iruñean.
Salbuespen neurriek Europako legedia urratzen dutela gogorarazi du Sarek.